"შმაგი არს სიგიჟით თავსაც თვისა ავნებდეს..." - სალომე ზურაბიშვილის მორიგი უცნაური ფეისბუქპოსტი საყოველთაო კარანტინისას

პოლიტიკა - 11:13, 06 Apr, 2020

760

საქართველოს პრეზიდენტი, სალომე ზურაბიშბილის უჩვეულო ფეისბუქპოსტი - პრეზიდენტმა სოციალურ ქსელში, სულხან-საბა ორბელიანის "სიტყვის კონადან" ის ნაწილი გამოაქვეყნა, რომელიც სიგიჟის ფორმებს განმარტავს. აღნიშნული ლექსიკონის მიხედვით ქართულში სიგიჟის გამომხატველი 11 სიტყვა არსებობს. რისი თქმა სურდა სალომე ზურაბიშვილს, საგანგებო რეჟიმისა და მკაცრი საკარანტინო რეჟიმის დროს უცნობია. პრეზიდენტმა თავისი სტატუსის შემდეგ სახოგადოებს სახლში დარჩენისკენ მოუწოდა და ურჩია, რომ ბევრი იკითხონ.

"საგიჟენი განიყოფებიან ათერთმეტად: შმაგად, ხელად, სულელად, ცოფად, ნაღვლიანად, რეგვნად, ტეტერად, შლეგად, შტერად, ფეთიანად, შეთიანად.
შმაგი არს სიგიჟით თავსაც თვისა ავნებდეს და სხვათაცა მავნებელ ექმნებოდეს;
ხელი არს, რომელი უცნობათ გარბოდეს, არცათა თვით იგვემებოდეს და არცა სხვათა ავნებდეს;
სულელი არს , რომელი არცა სრულიად ცნობა მიიღებულ იყოს და არცა სასარგებლო ჰქმნას რამე;
ცოფი არს გონება და ცნობა მოძარცული;
ნაღვლიანი არს, ოდესმე ცნობას იყოს და ოდესმე უცნობობასა;
რეგვენი არს, რომლელსაც სიბრძნე აკლდეს და მცირედ ხელურს იქმოდეს;
ტეტერი არს, რომელსა სიბრძნე არა აკლდეს, არამედ ხელურს რასმე იქმოდეს;
შლეგი არს არა ხელი, არცა ცნობა მიღებული, არამედ დაუცადებელად თავ-გაწირვით განუსვენებელი;
შტერი არს ფრიადისა აღორთქლებათა შინაგან ნივთთა მიერ საგრძნობელთა ორღანო მიღებული და საქმის ვერ კეთილად მქნელი;
ფეთიანი არს ღამით საოცართა დაფეთებათა მიერ მცირეს ხანს ცნობა მიღებული;
შეთიანი არს სნეული, რომელი ხელურად იქცეოდეს და ჩქარა დწვეს და წამოდგესუგუანად უბნობდეს."(საბა-სულხან ორბელიანი)