"იმედია, ხელისუფლება ამჯერად მაინც გამოიჩენს გონიერებას, დადგება პარტიულ ინტერესებზე მაღლა და სამშობლოში დაბრუნების შანსს არ მოუსპობს საკუთარ მოქალაქეებს!"

"იმედია, ხელისუფლება ამჯერად მაინც გამოიჩენს გონიერებას, დადგება პარტიულ ინტერესებზე მაღლა და სამშობლოში დაბრუნების შანსს არ მოუსპობს საკუთარ მოქალაქეებს!" - ნიკა მელია

პოლიტიკა - 18:39, 05 Apr, 2020

671

"ნაციონალური მოძრაობისა" და გაერთიანებული ოპოზიციის ლიდერი ნიკა მელია სოციალურ ქსელში პოსტს აქვეყნებს. მისი თქმით, საზღვარგარეთ ჩარჩენილია ათასობით საქართველოს მოქალაქე, რომელთა სამშობლოში დაბრუნება მიხეილ სააკაშვილს უსასყიდლოდ შეუძლია, თუმცა მას ხელისუფლება ამის საშუალებას არ აძლევს.
მელია მოუწოდებს ხელისუფლებას დადგნენ პარტიულ ინტერესებზე მაღლა და სამშობლოში დაბრუნების შანსი არ მოუსპონ საკუთარ მოქალაქეებს.

"კიდევ ერთხელ დავწერათასობით მოქალაქე ჩარჩენილია საზღვარგარეთ - უსახსროდ და თავშესაფრის გარეშე. სახელმწიფოს ჰყავს ისინი მიტოვებული და მიუხედავად მ. სააკაშვილის ბევრი კონკრეტული შეთავაზებისა, ხელისუფლება არც მას აძლევს საშუალებას უსასყიდლოდ დააბრუნოს თანამემამულეები სამშობლოში. მ. სააკაშვილი მზადაა წავიდეს დათმობაზე და თუკი საქართველოს მთავრობა თანხმობას მისცემს უკრაინულ ავიაკომპანიას ფრენების შესრულებაზე, საქართველოს მთავრობის ფონდში ჩაურიცხოს ამ ფრენებისთვის საჭირო თანხა.ავიაკომპანიამ რომ ამ მნიშვნელოვანი უფასო ჩარტერული რეისების განხორციელება შესძლოს, საქართველოს მთავრობამ უნდა განახორციელოს ორი უმარტივესი რამ:1. საქართველოს საგარეო საქმეთა სამინისტრომ უნდა მიმართოს იტალიის, ესპანეთის, გერმანიის და პოლონეთის საგარეო საქმეთა სამინისტროებს. ყველა ამ ქვეყანაში საგანგებო მდგომარეობაა, აეროპორტები დაკეტილია და სახელმწიფოს ჩარევის გარეშე ფრენებზე ნებართვის მიღება სრულიად შეუძლებელია.2. საქართველოს მთავრობამ უკრაინულ ავიაკომპანიას მისცეს შესაბამისი ნებართვა და ხელი მოაწეროს ამ კომპანიასთან ხელშეკრულებას.მ. სააკაშვილი კი მზადაა ფრენისთვის საჭირო თანხა ჩაურიცხოს მთავრობის ფონდს.იმედია ხელისუფლება ამჯერად მაინც გამოიჩენს გონიერებას, დადგება პარტიულ ინტერესებზე მაღლა და სამშობლოში დაბრუნების ამ შანსს არ მოუსპობს საკუთარ მოქალაქეებს!"