"მთავრობას მივმართეთ თხოვნით, რომ მოგვეცეს შესაძლებლობა უკრაინული ავიაკომპანია „სკაიაპის“ გამოყენებით, მგზავრებისთვის სრულიად უსასყიდლოდ განვახორციელოთ 5 რეისი"

"მთავრობას მივმართეთ თხოვნით, რომ მოგვეცეს შესაძლებლობა უკრაინული ავიაკომპანია „სკაიაპის“ გამოყენებით, მგზავრებისთვის სრულიად უსასყიდლოდ განვახორციელოთ 5 რეისი" - თინა ბოკუჩავა

პოლიტიკა - 17:52, 05 Apr, 2020

512

მთავრობას მივმართეთ თხოვნით, რომ მოგვეცეს შესაძლებლობა უკრაინული ავიაკომპანია „სკაიაპის“ გამოყენებით, მგზავრებისთვის სრულიად უსასყიდლოდ განვახორციელოთ 5 რეისი - ამის შესახებ პარტია "ნაციონალური მოძრაობის" ერთ-ერთმა ლიდერმა თინა ბოკუჩავა განაცხადა.

ბოკუჩავას თქმით, ახლა არ არის ერთმანეთისთვის ნიშნის მოგების და პოლიტიკური კინკლაობის დრო და საჭიროა ერთობლივი მოქმედება.

ბოკუჩავა ასევე აცხადებს, რომ თუ ხელისუფლება რეისების შესრულების ნებართვას არ გასცემს, მზად არიან იმისთვისაც, რომ მგზავრობისთვის განკუთვნილი თანხა გადარიცხონ სპეციალურ ფონდში.
„მთავრობას მივმართეთ თხოვნით, როგორც ეს დეკრეტშია მოთხოვნილი ყველა ამ წესის დაცვით, რომ მოგვეცეს შესაძლებლობა უკრაინული ავიაკომპანია „სკაიაპის“ გამოყენებით მგზავრებისთვის სრულიად უსასყიდლოდ განვახორციელოთ 5 რეისი, პირველი ეტაპისათვის, რომ მოხდეს დაახლოებით 1000-მდე ჩვენი თანამოქალაქის ტრანსპორტირება ევროპის სხვადასხვა დედაქალაქებიდან. კიდევ ერთხელ ვიმეორებ, მზად ვართ, ავიღოთ ყველა ფინანსური ხარჯი, რაც კი, უკავშირდება ამ რეისებს და ამისთვის მზად ვართ, მათ შორის, რომ ეს თანხები გადავრიცხოთ სპეციალურ ფონდში. ჩვენ კიდევ ერთხელ ხაზს ვუსვამთ, რომ ახლა არ არის ერთმანეთისთვის ნიშნის მოგების დრო, არ არის პოლიტიკური კინკლაობის და ქიშპობის დრო. ახლა არის მოქმედების დრო, მათ შორის, ერთობლივი მოქმედების“ , - განაცხადა თინა ბოკუჩავამ.