ამ საგანგებო ვითარებაში ერთადერთი ადამიანი, ვისაც შეუძლია, პასუხისმგებლობის ტვირთი აიღოს და ქვეყანას ამცნოს თავისი გადაწყვეტილება, არის პატრიარქი

ამ საგანგებო ვითარებაში ერთადერთი ადამიანი, ვისაც შეუძლია, პასუხისმგებლობის ტვირთი აიღოს და ქვეყანას ამცნოს თავისი გადაწყვეტილება, არის პატრიარქი - მეუფე გრიგოლი

რელიგია - 15:22, 05 Apr, 2020

2123

ამ საგანგებო ვითარებაში ერთადერთი ადამიანი, ვისაც შეუძლია, პასუხისმგებლობის ტვირთი აიღოს და ქვეყანას ამცნოს თავისი გადაწყვეტილება, არის პატრიარქი - ამის შესახებ ფოთისა და ხობის ეპისკოპოსმა მეუფე გრიგოლმა საკვირაო წირვის შემდეგ ქადაგებისას განაცხადა.მეუფეს თქმით, საგანგებო მდგომარეობის გამო სინოდი ვერ შეიკრიბება, აქედან გამომდინარე გადაწყვეტილების მიღება მხოლოდ პატრიარქს შეუძლია და პასუხისმგებლობა მასზეა. მეუფეები კი მის გადაწყვეტილებას უნდა დაელოდონ.

„რაც შეეხება ღვთისმსახურებას, ამ წუთას რა მოლაპარაკება მიმდინარეობს, თუ არ მიმდინარეობს პატრიარქსა და მთავრობას შორის, ვერ გეტყვით, მაგრამ ამ საგანგებო ვითარებაში ერთადერთი ადამიანი ალბათ, ვისაც შეუძლია, ეს პასუხისმგებლობის ტვირთი აიღოს და ამცნოს ქვეყანას თავისი გადაწყვეტილება, ეს იქნება კათოლიკოს-პატრიარქი, რადგან ორი კაცი შეიკრიბება, თუ ათი კაცი, მღვდელმთავრები, ეს არ იქნება მთლიანად ეკლესიის ხმა და არ იქნება საერთო სულისკვეთების გამომხატველი. აქედან გამომდინარე, ვითვალისწინებთ რა, რომ საგანგებო ვითარებაა, ასე ვთქვათ, ფორსმაჟორი, როგორც იტყვიან, სინოდი ვერ შეიკრიბება, თუნდაც იმ საფრთხეებიდან გამომდინარე, რაზეც საუბარია. ალბათ კათოლიკოს-პატრიარქი მიიღებს გადაწყვეტილებას. ვინც ებრძვიან ამ ვირუსებს და მკურნალობენ ადამიანებს, თუ ისინი ამბობენ, როგორც პატრიარქი გვეტყვის, ისე მოვიქცევითო, მე, მღვდელმთავარი, როგორ ვიტყვი ახლა. რა თქმა უნდა, ამ ფორსმაჟორში მისი აზრი ჩვენთვის ძალიან საინტერესო და გასათვალისწინებელი იქნება“ - განაცხადა მეუფე გრიგოლმა.