კომპანია, რომელმაც სამი მილიარდერი წარმოქმნა

კომპანია, რომელმაც სამი მილიარდერი წარმოქმნა - 4 აპრილს Microsoft-ი 45 წლის გახდა

ეს საინტერესოა - 10:10, 04 Apr, 2020

1160

1975 წლის 4 აპრილს, 20 წლის ბილ გეიტსმა და 22 წლის პოლ ალენმა დაარსეს კომპანია Microsoft-ი, რომელმაც განუსაზღვრელი როლი ითამაშა მსოფლიოს კომპიუტერიზაციის საქმეში.

Microsoft Corporation მულტინაციონალური კომპიუტერული ტექნოლოგიების კორპორაციაა, რომლის სათავო ოფისი ვაშინგტონში, რედმონდში მდებარეობს. იგი აწარმოებს, ანვითარებს, აპატენტებს, ლობირებს და ყიდის კომპიუტერულ პროგრამებს, სამომხმარებლო ელექტრონიკას, პერსონალურ კომპიუტერებს და მათ მომსახურებებს.

მისი ყველაზე ცნობილი პროგრამული პროდუქტებია: ოპერაციული სისტემები Microsoft Windows, Microsoft Office-ის პაკეტები, Internet Explorer და Edge ბრაუზერები. მისი წამყვანი აპარატული პროდუქტებია" Xbox ვიდეო თამაშების კონსოლები, პერსონალური კომპიუტერების სენსორული ეკრანები Microsoft Surface.

კომპანია ასევე აწარმოებს სხვა სამომხმარებლო და საწარმოს პროგრამების ფართო სპექტრს დესკტოპ-კომპიუტერებისთვის, ლაპტოპებისთვის, გაჯეტებისა და სერვერებისთვის, მათ შორის ინტერნეტ საძიებო სისტემა Bing, ციფრული მომსახურების ბაზარი (MSN– ის საშუალებით), cloud computing (Azure) და პროგრამული უზრუნველყოფა - Visual Studio.

Microsoft–ი პერსონალურ კომპიუტერების წარმოების ბაზარზე პირველად 2012 წლის ივნისში შევიდა, Microsoft Surface პლანშეტური კომპიუტერების გამოშვებით.

კომპანიის 1986 წლის საჯარო შეთავაზებამ (IPO) და მისი აქციების ფასის შემდგომმა ზრდამ Microsoft-ის თანამშრომლებს შორის სამი მილიარდერი წარმოქმნა. 90-იანი წლებიდან ის უფრო მეტად დივერსიფიცირებულია საოპერაციო სისტემის ბაზარზე და მრავალი კორპორატიული შენაძენი მიიღო, რომელთაგან ყველაზე მსხვილებია: LinkedIn–ის შეძენა 2016 წლის დეკემბერში 26,2 მილიარდ დოლარად და Skype Technologies–ის შეძენა 8,5 მილიარდ დოლარად (2011 წლის მაისი).

2015 წლის მდგომარეობით, მაიკროსოფტი ბაზარზე დომინირებს IBM PC თავსებადი ოპერაციული სისტემის ბაზარზე და ოფისური პროგრამული უზრუნველყოფის კომპლექტების ბაზარზე, თუმცა, მან დაკარგა მთლიანი ოპერაციული სისტემის ბაზრის უმეტესი ნაწილი Android-სთვის.

2016 წელს შემოსავლის მიხედვით იგი მსოფლიოში პროგრამული უზრუნველყოფის უდიდესი მწარმოებელი იყო (ამჟამად Alphabet / Google-ს აქვს მეტი შემოსავალი).

აშშ-ს უმსხვილესი კორპორაციების 2018 წლის Fortune 500-ის რეიტინგში Microsoft 30-ე ადგილზეა მთლიანი შემოსავლით.

2018 წელს Microsoft-მა დაიბრუნა მსოფლიოს ყველაზე ღირებული საზოგადოებრივი სავაჭრო კომპანიიის პოზიცია. 2019 წლის აპრილში მაიკროსოფტმა მიაღწია ტრილიონ დოლარიან კაპიტალიზაციას ბაზარზე და Apple–სა და Amazon–ის შემდეგ, გახდა მესამე აშშ–ის კომპანია, რომელიც 1 ტრილიონ დოლარზე მეტი ღირდა.

Microsoft Corporation-ში დასაქმებულთა რაოდენობა, მთელი მსოფლიოს მასშტაბით 100000 ადამიანს აღემატება, 105 ქვეყანაში.

2014 წლის 4 თებერვლიდან კომპანიის აღმასრულებელი ხელმძღვანელია სატია ნადელა. წამყვანი ფიგურები არიან: ჯონ ტომპსონი (კორპორაციის თავმჯდომარე), ბრედფორდ სმიტი (პრეზიდენტი) და ბილ გეითსი (ტექნიკური მრჩეველი).