კონტეინერებით გადმოზიდულ ავტომანქანებში ფსიქოტროპული ნივთიერებები აღმოჩნდა.
შემოსავლების სამსახურის ინფორმაციით, გაფორმების ეკონომიკურ ზონა "ბათუმში", კონტეინერით გადმოზიდული ავტომანქანების დათვალიერების დროს, ერთ-ერთ ავტომანქანაში 20 აბი (2 ფლაკონი) მედიკამენტი TRAMADOL აღმოჩნდა. ავტომანქანა მოქალაქე ო.ა.-ს ეკუთვნის. აღმოჩენილი მედიკამენტი, სავარაუდოდ, ნარკოტიკულ/ფსიქოტროპულ ნივთიერებას შეიცავს.
შესაბამისი პროცედურების განხორციელების დროს, მედიკამენტი TRAMADOL - 40 აბი (4 ფლაკონი) აღმოაჩინეს გაფორმების ეკონომიკურ ზონა "ბათუმში", ასევე კონტეინერით გადმოზიდულ ავტომანქანაში, რომელიც ეკუთვნის მოქალაქე გ.ა.- ს.
ორივე ფაქტის შესახებ, შემდგომი რეაგირების მიზნით, ინფორმაცია გადაეგზავნა შსს ცენტრალური კრიმინალური პოლიციის დეპარტამენტის აჭარის ავტონომიური რესპუბლიკის სამმართველოს.