სახალხო დამცველის სკანდალური დასკვნა რაციის ჩანაწერების გაშიფვრის შემდეგ - 20 ივნისის დარბევისას ხელმძღვანელ პირებს რეზინის ტყვიების გამოყენების ბრძანება არ გაუციათ

პოლიტიკა - 21:30, 02 Apr, 2020

1986

ომბუდსმენის სკანდალური დასკვნა - სახალხო დამცველმა 20 ივნისის სისხლიანი ღამის რადიო კავშირის ჩანაწერი გაშიფრა. ჩანაწერებში არსად ისმის სროლის გაცემის ბრძანება. ამასთან დაკავშირებით არსებობს ორი ვერსია: ერთი ის რომ რაციიდან ჩანაწერები შეიძლება იყოს წაშლილი, მეორე ვერსიის მიხედვით კი იქ მიიყვანეს ე.წ ზონდერჯგუფები და მათ გამოიყენეს რეზინის ტყვიები ხალხის წინააღმდეგ.

სახალხო დამცველის ანგარიშის კიდევ ერთი ნაწილი 20-21 ივნისის საქმეზე დაკითხული პოლიციელების ოქმების გამო ხდება. ოქმები პრაქტიკულად ერთმანეთის იდენტურია. სპეცრაზმელები აცხადებენ, რომ სროლა საკუთარი ინიციატივით დაიწყეს, მაგრამ ჩვენების მიუხედავად პროკურატურის გამომძიებლებმა ბრალი არხ ერთ მათგანს წაუყენეს. დაკითხვა პორმალურ ხასიათს ატარებდა, მატტვის ამომძიებლებს არც ერთი კრიტიკული კითხვა არ დაუსვამთ. სახალხო დამცველი 20-21 ივნისის საქმეზე დაკითხვების ხელახალ სერიას მოითხოვს.
"გამოძიებაში არსებობს რაციის ჩანაწერები, რაც შეიცავს კომუნიკაციას მაღალი ხელმძღვანელ პირებსა და შუამავალ პირებს შორის. ჩვენ მოვითხოვეთ რაციის ჩანაწერების ექსპერტიზა მისი ავთენტურობის დასადგენად, თუმცა ეს დღემდე არ მომხდარა, ამიტომ მე არ შემიძლია დაბეჯითებით ვთქვა, რომ ეს არის უწყვეტი ჩანაწერი. მთავარი კითხვა, რაც გვქონდა რეზინის ტყვიების გამოყენებასთან დაკავშირებით ბრძანება, მაღალი თანამდებობის პირების მხრიდან გაცემული არ ყოფილა. არის რამდენიმე ჩვენება, სადაც პირიქით, საწინააღმდეგო ბრძანება არის გაცემული, მაგრამ ჩვენ დავინახეთ ის, რომ შუა რგოლი, რომელიც იყო ამ გადაწყვეტილების აღსრულებაზე პასუხისმგებელი, იყო ან ბრძანების უგულვებელყოფა ან უმოქმედობა. არის შემთხვევები, როცა საწინააღმდეგო არის მოთხოვნილი, რომ რეზინის ტყვიები არ იყოს გამმოყენებული, არის ასევე ერთი ეპიზოდი იყენებენ თუ არა რეზინის ტყვიებს და პასუხი არის, რომ არ იყენებენ. ჩვენ ვითხოვთ, რომ სულ მცირე რაც უკვე არსსებობს გამოძიებაში უნდა დაყენებული იმ პირის პასუხისმგებლობა, რომელიც არასწორ ინფორმაციას აწვდიდა მის ხელმძღვანელობას. ის ამბობდა, რომ არ იყენებდა რეზინის ტყვიებს, მაშინ როდესაც დიდი ხნის დაწყებული იყო რეზინის ტყვიების გამოყენება და ამ ბრძანების შემდეგაც ხდეოდა რეზინის ტყვიების გამოყენება. " - აცხადებს ლომჯარია.
20 ივნისის საქმესთან დაკავშირებით მაშინდელი შინაგან საქმეთა მინისტრი გიორგი გახარია ამბობს, რომ მას რეზინის ტყვიების სროლის გამოყენების ბრძანება არ გაუცია. იგივეს ამბობენ მისი მოადგილეებიც. ისინი აცხადებენ, რომ მათი მხრიდან რეზინის ტყვიების სროლის ბრძანება არ გაცემულა. სპეცრაზმელები კი ჩვენებაში აცხადებენ, რომ მათ პირდაპირ, ბრძანების გაცემის გარეშე ისროლეს რეზინის ტყვიები. ნინო ლომჯარია აცხადებს, რომ გამოძიება ამ ნაწილში ძალიან არასრულფასოვანია. მათთვის ფორმალურადაც კი არ დაუსვამთ დამატებითი კითხვები.
იმაზე გარემოებაზე, რაზეც სახალხო დამცველი ტავის 2019 წლის ანგარიშში ამახილებს ყურადღებას, ოპოზიციაც საუბრობდა. ოპოზიციაში აცახდებდნენ რეზინის ტყვიების სროლის ბრძანება არაუფლებამოსილი პირისგან გაიცემოდა და ოპოზიცია საუბრობდა იმაზე, რომ ბრძანების გამცემი იყო არაუფლებამოსილი პირი და ეს გახლდათ ანზორ ჩუბინიძე, რომელიც პირდაპირ ხაზზე იყო ბიძინა ივანიშვილთან.

"ძალიან ბევრი მეთოფე და ამ ოპერაციაში უშუალოდ მონაწილე პირი არის გამოკკთხული და ყველა მათგანი ამბობს, რომ მათ არ მიუღიათ ბრძანება ტყვიების გამოყენებაზე, მათ მიიღეს ბრძანება გაზის გამოყენებაზე, მაგრამ რეზინის ტყვიების გამოყენებაზე გადაწყვეტილება მათ ინდივიდუალურად მიიღეს. რჩება შტაბეჭდილება, რომ ყველა საუბრობს ერთასა და იმავეზე, რომ ისინი მოქმედებდნენ საკუთარი გადაწყვეტილრბით, ასევე რჩება შთაბეჭდილება, რომ მათი გამოკითხვა არ ხდება კრიტიკული კუთხით. ჩვენ გავეცით რეკომენდაციები, რომ ხელახლა და კრიტიკულად გამოიკითხონ ეს ადამიანები" - აცხადებს ნინო ლომარია.