პირბადეების დეფიციტი პანდემიის ფონზე - „გავუგზავნეთ დიპლომატიურ კორპუსს და საქართველოს საელჩოებს“

პოლიტიკა - 10:35, 02 Apr, 2020

592

ეკონომიკის მინისტრის მოადგილე ამბობს, რომ პირბადეებზე გაზრდილი მოთხოვნიდან გამომდინარე, უწყება პირველ რიგში უზრუნველყოფს მათ, ვიინც „ვირუსტან რბძოლაში აქტიურად არიან ჩართული“.

ირაკლი ანდარეიშვილის თქმით, საქართველოში დამზადებული პირბადეები დიპკორპუსს და ევროპის ქვეყნებში, საქართველოს საელჩოებს დაურიგდათ.

„დღეს გვქონდა საშუალება, საქართველოში დამზადებული პირბადეები საქართველოში მოღვაწე დიპლომატიური კორპუსისთვის გაგვეგზავნა, რომლებიც აქტიურად აგრძელებენ თავის საქმიანობას საქართველოში. პირბადეების გარკვეული რაოდენობა ასევე გაიგზავნა საქართველოს საელჩოებში, მათ შორის, ევროპის ქვეყნებში, სადაც აღნიშნული პროდუქციის მნიშვნელოვანი დეფიციტია. ამით, ჩვენ უზრუნველვყავით, რომ ჩვენი თანამოქალაქეები დიპლომატიურ წარმომადგენლობებში მოგვემარაგებინა საქართველოში წარმოებული პირბადეებით," - განაცხადა ეკონომიკისა და მდგრადი განვითარების მინისტრის მოადგილემ ირაკლი ნადარეიშვილმა.

ამ დრომდე დეფიციტია პირბადეები სააფთიაქო ქსელებში. მოქალქეებბი კუსტარულად დამზადებული დამცავი საშუალებებით სარგებლობენ, რაც მათ უსაფრთხოებას ვერ უზრუნველყოფს.