COVID 19-ით ინფიცირებული პაციენტი ინფექციური კლინიკიდან ორმხრივი პნევმონიის დიაგნოზით, ტესტირების გარეშე გაუშვეს ?!- ახალგაზრდა სკანდალურ დეტალებს ყვება

პოლიტიკა - 21:52, 31 Mar, 2020

1629

მთავარი არხის ინფორმაციით, COVID 19-ით ინფიცირებული პაციენტი ინფექციური კლინიკიდან ორმხრივი პნევმონიის დიაგნოზით, ტესტირების გარეშე გაუშვეს. მედიკოსების დასკვნაში, რომელსაც მთავარი ასაჯაროვებს, აღნიშნულია, რომ 30 წლის მამაკაცი საავადმყოფოში მაღალი ტემპერატურითა და ძლიერი ხველით შევიდა, თუმცა ჯანდაცვის სამინისტროს, პროტოკოლის გამო, რომელიც მხოლოდ უცხოეთიდან შემოსული ან ინფიცირებულ ადამიანთან კონტაქტს ითვალისწინებს დაავადებული მამაკაცი კვლევის გარეშე სახლში გაწერეს.
მამაკაცი თბილისიდან თერჯოლაში გაემგზავრა, სადაც პნევმონიას სახლის პირობებში მკურნალობდა, თუმცა მალევე მისი მდგომარეობა დამძიმდა. ინფიცირებული, რომელიც ლომბარდის თანამშრომელია, ვარაუდობს, რომ მისი დაინფიცირების წყარო ფულია.
მამაკაცის განცხადებით, მას შემდეგ, რაც ინფექციურში მივიდა, განუმარტეს, რომ უფასო ტესტრებისთვის საჭირო კრიტერიუმებს არ აკმაყოფილებდა და თუ ამის სურვილი ჰქოდა, კერძო კლინიკისთვის უნდა მიემართა და 650 ლარი გადაეხადა.
"არ ჩამიტარეს ანალიზი, არ ჩათვალეს საჭიროდ, მაგრამ არ ვიცი რატომ. თუ მაინც ტესტი გინდა 650 ლარი უნდა გადაიხადოო, მას შემდეგ რაც სოფელში წავედი 4-დღეში დამიდგინდა ვირუსი. სავარაუდო დაინფიცირების წყარო, ვფიქრობ, რომ ფულია. სხვა არავისთან მქონია კონტატი" - აცხადებს ახალგაზრდა.

აღნიშნული პაციენტის სამედიცინო ცნობას, ხელს ინფექციური კლინიკის რადიოლოგმა დავით ჩეკურიშვილმა მოაწერა. კითხვაზე, ტუ რატომ არ ჩაუტარეს საეჭვო სიმპტომების პაციენტს ტესტი, მედიკოსმა განაცხადა:
"მე ვერ გეტყვით, მე ვარ რადიოლოგი. ვირუსი არ ჩანს რენტგენოლოგიურად, შემიძლია ეს ვთქვა" - განაცხადა რადიოლოგმა.