ბესო დანელია: ,,ეკონომიკური კრიზისი გარდაუალია და ამაზე წაყრუება არ შეიძლება"

პოლიტიკა - 14:29, 31 Mar, 2020

941

"უმჯობესია გავხსნათ დისკუსია და ვიმსჯელოთ იმაზე - თუ როგორ უნდა შევხვდეთ კარს მომდგარკრიზისს, რომელიც გარწმუნებთ, რომ გარდაუვალია"- ასე ეხმაურება ,,ერთიანი საქართველოს" პოლიტსაბჭოს წევრი ბესო დანელია კორონავირუსის გავრცელებით გამოწვეულ რიკებს.

დანელიას აზრით, "ხელისუფლებამ უნდა გამოიყენოს ყველა რესურსი, ჯარი იქნება ეს თუ სხვა, რომ საგაზაფხულო ხვნა-თესვის პროცესი შედგეს იმდენად მობილიზებულად, რომ საქართველოში არცერთი გოჯი მიწა არ დარჩეს დაუმუშავებელი".

მისივე თქმით, სოფლის მეურნეობისა და გარემოს დაცვის სამინისტროში უნდა მოხდეს გრძელვადიანი, სტრატეგიების შემუშავება.

"უნდა დეხმარონ ადამიანებს ანუ ყველამ, ვისაც მიწა აქვს, გლეხი იქნება ეს თუ მეწარმე, მიიღოს ინფორმაცია მიწაზე, კულტივაციის პირობებზე, არსებულ მოთხოვნებზე... შემდეგი 50 წელი მაინც უნდა იცოდეს ერმა რა პროდუქცია უნდა მოიყვანოს ?!.

ყველამ ერთად პირველ რიგში ქვეყნის ხერხემალი – სოფელი უნდა განვავითაროთ, რომ ფუნდამენტი იყოს ძლიერი… ფიზიკური ძალისხმევების გარეშე შემცირდება იმპორტი და ახლა არის დრო იმისთვის, რომ შევქმნათ ჩვენი პროდუქცია. მაქსიმალურად უნდა შეეწყოს ხელი სოფლად გლეხობას, სამეურნეო საქმიანობაში და დოვლათის შექმნაში, იქნება ეს იაფი შეღავათიანი, გრძელვადიანი კრედიტები, სამეურნეო ტეხნიკით უზრუნველყოფა თუ სხვა. ვისაც გააზრებული არ აქვს , მინდა ყველამ იფიქროს იმაზე, რომ სხვაზე საუბარი ზედმეტია, უბრალოდ საარსებო მინიმუმზე და გადარჩენაზეა საუბარი პატივცემულო საზოგადოებავ. ჩვენი საოცარი ქვეყანა, კი გვაძლევს იმის საშუალებას, რომ ტოტალური შიმშილი და გაჭირვება ავიცილოთ თავიდან"- აცხადებს ბესო დანელია.