რა განსხვავებაა სწრაფსა და დაჩქარებულ ტესტებს შორის და რომელს იყენებს ჯანდაცვის სამინისტრო ჩაკეტილ რეგიონებში - ბოლნისსა და მარნეულში?!

ჯანდაცვის მნინისტრი ეკატერინე ტიკარაძე თავის არაერთ გამოსვლაში აცხადებდა, რომ 25 მარტს ჩინეთიდან 1 000 ცალი "სწრაფი ტესტი" იქნა შემოტანილი.

დღეს კი დაავადებათა კონტროლის ცენტრის დირექტორმა თქვა, რომ მინისტრი "ალბათ აღელდა".

"ქალბატონი ეკა ალბათ აღელდა და სწრაფსა და დაჩქარებულს შორის იხმარა სწრაფი. როცა ღელავს ადამიანი... მეორე დღეს მან სხვა განცხადება გააკეთა, ხომ? ნუ გამოვეკიდებით ყველა სიტყვაზე ადამიანს", - უთხრა TV პირველს გამყრელიძემ.

გამყრელიძე განმარტავს, რომ მარნეულში კორონავირუსის ტესტირებისას ნაცხი იღება და ტესტირება კეთდება უფრო სწრაფ აპარატზე. რაც შეეხება სწრაფ ტესტს, მისი პასუხი 15 წუთში ხდება ცნობილი.

აღსანიშნავია, რომ ჩინეთიდან ჩამოსულ ტესტებს, რომელიც პასუხს 1.5 საათში ადგენს, ჯანდაცვის მინისტრი ბოლო დრომდე "სწრაფი ტესტებს" უწოდებდა.

"სწრაფი ტესტების პირველი პარტია, 1 000 ერთეული" ჩამოვიდა და მათ მარნეულში გამოიყენებდნენ - თქვა მინისტრმა 25 მარტს და მსგავსი შინაარის განცხადება არაერთ პრესკომფერენციაზე გაიმეორა.