უხარისხო ტესტების სკანდალი: "პასუხისმგებელი სახელმწიფოა, რატომ დადეთ ხელშეკრულება არასანდო კომპანიასთან?!" - სამადაშვილი ტესტების შემოტანის საქმეში კერძო ინტერესებზე საუბრობს

პოლიტიკა - 17:23, 27 Mar, 2020

737

კორონავირუსის სწრაფი ტესტების სკანდალი და შეწყვეტილი კონტრაქტი ჩინურ კომპანიასთან - ერთიანი ნაციონალური მოძრაობის წევრი, სალომე სამადაშვილი ხელისუფლებას აკრიტიკებს და ქვეყნის ტესტებით უზრუნველყოფის საკითხში პასუხისმგებლობას მთავრობას აკისრებს.
სამადაშვილი აპირებს, რომ გამოიყენოს თავისი სადეპუტატო უფლებამოსილება და კითხვებით მიმართოს ჯანდაცვის მინისტრს თუ რატომ დაგვიანდა რეაგირება სწრაფ ტესტებზე და რა პრინციპით მოხდა კომპანიის შერჩევა რომელის პროდუქტითაც უნდა ცატარდეს ტესტირება.

"ჩვენ, როგორც მთავარი იპოზიციური ძალა, საკმაოდ ფრთხილად ვეკიდებოდით ხელისუფლების კრიტიკას და დღესაც იმ შეფასებებს, რასაც ჩვენ ვაკეთებთ, ვაკეთებთ იქიდან გამომდინარე, რომ ქვეყნის წინაშე დგას გადაუდებელი აუცილებლობა, რომ გადაიჭრას ის პრობლემა, რასაც ჰქვია, მასიური ტესტირების ორგანიზება.

პანდემია, რომელიც თავს დაგვატყდა 1-დღეში არ მომხდარა, ხელისუფლებას უნდა ემუშავა მზადყოფნაში უნდა ყოფილიყო, იმისთვის, რომ მომზადებულიყო ყველა მიმართულებით.
დღეს პრობლემა იმაშია, რომ ჩვენ ვდგავართ პანდემიის გავრცელების იმ ეტაპზე, როდესაც აუცილებელია მასიური ტესტირების უზრუნველყოფა, აღმოჩნდა, რომ სახელმწიფო, რომელსაც ევალება ამ ყველაფრის უზრუნველყოფა, არ არის მზად ტესტირების ადმინისტრაციისთვის და მეტიც აღმოჩნდა, რომ ჩვენ ვერკვევით იმაში, ტესტები რომლებიც შეუკვეთეს არის ვარგისი თუ არა?!
აქ უკვე ჩვენ თავს ვეღარ შევიკავებთ კრიტიკული შეკითხვების დასმისგან, იმიტომ რომ ეს არის საგოდაოებრივი ინტერესი, რომ ჩვენ რაც შეიძლება სწრაფად მივიღოთ პასუხი ამ კითხვაზე.
როდესაც ძალიან დიდი კოკურენციაა მსოფლიოში და ჩვენ გარკვეულწილად უპირატესობა გვქონდა იმ მხრივ, რომ პანდემია საქართველოში შედარებით გვიან დაიწყო, ჩვენ უნდა დაგვეჭირა თადარიგი, მოლაპარაკებები უნდა გვეწარმოებინა ყველა შესაბამის ქვეყანასა და კერძო კომპანიასთან, რომლებიც ტესტებს ამზადებს.
ჩვენ გვიჩნდება განცდა, რომ ეს ყველაფერი არ გაკეთდა დროულად და მიგვაჩნია, რომ ამაში პასუხისმგებელი არის სახელმწიფო.
მეორე კითხვა, რომელიც ამ ყველაფრის შემხედვარე გვიჩნდება, არის ის, რომ რატომ დაიდო ხელშეკრულება მომწოდებელთან, რომელმაც აღმოჩნდა, რომ არასანდო ტესტების პარტია შესთავაზა ხელისუფლებას.
გაურკვეველია რატომ ხდება შეთანხმება გუშინ შექმნილ სამედიცინო ლაბორატორიასთან ტესტების ჩატარებაზე, როცა ჩვენ გვესმის პრეტენზიები მათ შორის მაღალი რეპუტაციის მქონე სამედიცინო დაწესებულებებისგან, რომ მათ არ ეძლევათ შესაძლობას ტესტირების ჩატარების" - ამბობს სალომე სამადაშვილი.

ოპოზიციონერი პოლიტიკოსი ტესტების შემოტანის საქმეში კერძო ინტერესებზე საუბრობს და აცხადებს, რომ მისი ვარაუდით სწორედ ამიტომ ვერ მოხერხდა აქამდე ქვეყნის ტესტებით უზრუნველყოფა.

"დღეს მთავარი პრობლემა და მთავარი კითხვა არის - გააკეთა თუ არა სახელმწიფომ ყველაფერი იმისთვის, რომ არ აღმოვჩენილიყავით იმ მდგომარეობაში, როცა ჩვენ გვჭირდება მასიური ტესტირების ჩატარება და ამის უზრუნველყოფა ვერ ხდება.ჩვენ, შეკითხვით მივმართავთ კანდაცვის სამინისტროს დღეს, ოფიციალურად გავუგზავნით მთელ რიგ შეკითხვებს, რომელზეც პასუხი უნდა მივიღოთ ძალიან სწრაფად, იმიტომ რომ ჩვენ გვაქვს საფუძვლიანი ეჭვი რომ კონკრეტული კერძო ინტერესები იკვეთება და ჩვენ ვვარაუდობთ, რომ ამიტომ ვერ მოხდა სწრაფი ტესტებით ქვეყნის უზრუნველყოფა.

ჩვენ ვდგევართ ძალიან დიდი საფრთხის წინაშე. წარმოიდგინეთ ტესტირება, რომელიც მოხდება არ იქნება სანდო. ეს ნიშნავს, რომ პანდემიის გავრცელება დაიწყოს სწრაფი ტეპით. ეს საკითხი ექვემდებარება მკაცრ კონტროლს, მაგრამ სახელმწიფო ამ მექანიზმებს უნდა იყენებდეს საზოგადოები ინტერესების გათვალისეინებით" - აცხადებს სალომე სამადაშვილი.