კრიტიკა, ზუგდიდის აქციისა და პოლიტიკური ჯგუფის მიმართ იყო დამსახურებული

კრიტიკა, ზუგდიდის აქციისა და პოლიტიკური ჯგუფის მიმართ იყო დამსახურებული - გიგა ბოკერია ენმ-ზე

პოლიტიკა - 16:53, 27 Mar, 2020

638

''ევროპული საქართველოს'' ერთ-ერთი ლიდერი, გიგა ბოკერია, იხეილ სააკაშვილის საპრეზიდენტო ბიბლიოთეკის ინიციატივით, ზუგდიდში ნიღბების დარიგების აქციას გამოეხმაურა. ბოეკრია ამბობს, რომ კრიტიკა, რომელიც აღნიშნულ აქციას მოჰყვა, იყო დამსახურებული, ხოლო სააკაშვილის განცხადებას ის დროსთან შეუფერებელს უწოდებს.

"დახმარება არ შეიძლება იქცეს საფრთხედ, ამიტომ აბსოლუტურად დაუშვებელია ის, როგორი ფორმითაც ეს ხდებოდა ზუდგიდში. ამიტომ ეს კრიტიკაც, რომელიც შეხვდა ამ ინციდენტს და ამ პოლიტიკურ ჯგუფს, იყო დამსახურებული. კარგი იყო, რომ ამ პოლიტიკური გაერთიანების ადგილობრივმა ლიდერებმა სწრაფადვე აღიარეს ეს მძიმე შეცდომა. ასევე, ცუდია რომ, ეს ინციდენტი სახელისუფლებო პროპაგანდამ და მთავრობამ გამოიყენა და იყენებს კამპანიისთვის ამ პოლიტიკური გუნდის და მთლიანად ოპოზიციის წინააღმდეგ. ესეც ცუდია, ამის დროც არ არის ახლა", — განაცხადა გიგა ბოკერიამ.

შეგახსებთ, რომ 26 მარტს ზუგდიდში მიხეილ სააკაშვილის დავალებით, საპრეზიდენტო ბიბლიოთეკამ შეკრებილ მოქალაქეებს სამედიცნო პირბადეები, ხელთათმანები და სადეზინფექციო ხსნარები დაურიგა, რამაც ადგილზე ხალხმრავლობა გამოწვია. შედეგად კრიტიკა და საპრეზიდენტო ორგანიზაციის წევრების კანონის მიხედვით დაჯარიმება მოჰყვა.