რა ხდება ბოლნისში კარანტინის მეორე დღეს - რეპორტაჟი წითელი ზონიდან (ფოტოები)

პოლიტიკა - 16:06, 24 Mar, 2020

1064

კარანტინის მეორე დღე ბოლნისში - როგორ შეხვდა მოსახლეობა მკაცრ საკარანტინო რეჟიმს და რას ამბობს "ნიუპოსტთან" ერთ-ერთი ადგილობრივი.
დავით ყურაშვილი ჩვენთან საუბრისას აცხადებს, რომ მუნიციპალიტეტში სასურსათო მაღაზიებისა და კრიტიკულად აუცილებელი დაწესებულების გარდა, ყველა ობიქტი დახურულია.
"ბოლნისი ორი დღეა ამ რეალობაში ცხოვრობს. თუმცა უნდა აღინიშნოს, რომ ქალაქში სიმშვიდეა. მოსახლეობა მეტ-ნაკლებად იცავს თვითიზოლაციის წესებს. ადამიანები ქუჩაში ძირითადად გადაუდებელი აუცილებლობის შემთხვევაში, სურსათისა და წამლის შესაძენად გამოდიან. ქალაქში, ღია სივრცეში პირბადით ნაკლები ადამიანი გადაადგილდება, უნდა აღინიშნოს ისიც რომ პირბადეების დეფიციტი ნამდვილად არის.
გვჭირდება ისეთი ადამიანები, რომლებიც დაეხმარებიან მოხუცებს, რომლებიც საკუთარი უსაფრთხოებისთვის რჩებიან სახლში. ისინი იმედოვნებენ, რომ უახლოეს პერიოდში მათ მიაწვდიან საჭირო პროდუქტებსა და პრეპარატებს, რომელიც სჭირდებათ"- აცხადებს "ნიუპოსტთან" დავით ყურაშვილი.მისი თქმით, ქალაქში პროდუქტების თვალსაზრისით კრიზისი არ იგრძნობა.
ცნობისთვის, მარნეულსა და ბოლნისის მუნიციპალიტეტებში მკაცრი საკარანტინო რეჟიმის შემოღება მას შემდეგ გახდა საჭირო, რაც მარნეულში ახალი კორონავირუსი 62 წლის ქალს ოფიციალურად დაუდასტურდა და ინფიცირების წყაროს დადგენა ვერ მოხერხდა.
რაც შეეხება დანარჩენ საქართველოს პრემიერ მინისტრის გადაწყვეტილებით ქვეყანაში საგაგებო მდგომარეობა 21 აპრილამდეა გამოცხადებული.
ბოლო ინფორმაციით, ქეყანაში 67 ინფიცირებულია.