საქართველოს პრეზიდენტის პრესსპიკერი მანანა მანჯგალაძე სოციალურ ქსელებში პრეზიდენტის ადმინისტრაციის რიგითი თანამშრომლების აუგად მოხსენიებას ეხმაურება და „ფეისბუქის“ საკუთარ გვერდზე მოუწოდებს კრიტიკოსებს, ნუ დაემსგავსებიან მათ, ვისაც აკრიტიკებენ.

„პირველად ვწერ ასეთ რამეს და შევეცდები ბოლო იყოს...

სრული ოთხი წელი ვიმუშავე ადმინისტრაციაში. შეგიძლიათ გამაკრიტიკოთ, მომცეთ შენიშვნა, არ გიყვარდეთ, გძულდეთ...

მაგრამ რაც შეეხება ადმინისტრაციის თანამშრომლებს, ჩემო მეგობარო და არამეგობარო ფრენდებოო, ძალიან გთხოვთ რომლებსაც არც დღე არც ღამე არც შაბათი , კვირა არა აქვთ, რომელებიც მართლა შრომობენ და უამრავ საქმეს აკეთებენ ხალხისა და ქვეყნისათვის, ნუ იტყვით მათზე ცუდს, ნუ დაესგავსებით მათ, ვისაც აკრიტიკებთ, რადგან ნებისმიერი უწყება იქნება წარმატებული, რომელსაც ასეთი თანამშრომლები ეყოლება“, - წერს მანანა მანჯგალაძე.