"არავინ გაიძულებთ, რომ არჩევანი გააკეთოთ ღმერთსა და ავადმყოფობას შორის"

"არავინ გაიძულებთ, რომ არჩევანი გააკეთოთ ღმერთსა და ავადმყოფობას შორის" - მეუფე გრიგოლი

პოლიტიკა - 12:05, 22 Mar, 2020

660

ხობის საკათდრო ტაძარში საკვირაო წირვა მიმდინარეობს. წირვას ხობისა და ფოთის მიტროპოლიტი , მეუფე გრიგოლი აღავლენს. წირვის დაწყებამდე მან მრევლს მიმათა და განაცხადა, რომ რწმენა ქრისტესი არ ნიშნავს საღი აზრისგან განდგომას და ყველამ უნდა დაიცვას მთავრობის მიერ გაცემული რეკომენდაციები, თუმცა, მეუფე გრიგოლის თქმით, არც საღი აზრი ნიშნავს ღმერთის განდგომას. მისი თქმით, თითოეული ქრისტიანი მზად არის თავი გაწიროს ქრისტესთვის და არა ვირუსებისთვის.

,,როცა ჩვენ ქრისტიანული სიმაღლიდან ვსაუბრობთ ორ მცნებას, გიყვარდეს ღმერთი შენი და არასდროს არ შეიძლება ამის უარყოფა და განდგომა და გიყვარდეს მოყვასი შენი. არავინ გაიძულებთ, რომ არჩევანი გააკეთოთ ღმერთსა და ავადმყოფობას შორის ღმერთსა და ვირუსს შორის, დღეს ჩვენ გეუბნებით, სახელმწიფო გვეუბნება, გაუფრთხილდით საკუთარ თავს და გაუფრთხილდით ერთმანეთს და აქ უფრო იმპერატიული ფორმაა და ადგილი აქვს ერთმანეთისადმი მოფრთხილებას. ჩვენი რწმენა ქრისტეში არ ნიშნავს საღი აზრისგან განდგომას და უარყოფას, ჩვენ ყოველთვის საღი აზრის პატივისმცემელი უნდა ვიყოთ და საღი აზრი არ ნიშნავს ღმერთის განდგომას.", - განაცხადა მეუფე გრიგოლმა.