"მორწმუნეების დევნის კამპანია ხომ არ იწყება ქვეყანაში? ფრთხილად ვიყოთ"

"მორწმუნეების დევნის კამპანია ხომ არ იწყება ქვეყანაში? ფრთხილად ვიყოთ" - პაატა იმნაძე

პოლიტიკა - 00:14, 22 Mar, 2020

1120

სინოდის გადაწყვეტილებაზე საზოგადოების ერთი ნაწილის რეაქციაზე საკუთარი მოსაზრება გამოთქვა დაავადებათა კონტროლის ეროვნული ცენტრის სამეცნიერო დირექტორმა, პაატა იმნაძე ეჭვობს, რომ ადგილი აქვს მროწმუნეების დევნის კამპანიას. ამის შესახებ პაატა იმნაძე ტვ „პირველის“ ეთერში განაცხადა და საზოგადოების მხრიდან, ჩინელებზე განხორციელებული უსამართლო თავდასხმები გაიხსენა. რაც შეეხება საგანგებო მდგომარეობისას გაცემულ რეკომნდაციებს, იმნაძე ამბობს, რომ რეკომენდაცია ეხება ყველას, თუმცა არ შეიძლება იმ მეთოდებით ბრძოლა ეკლესიასთან, როგორც ეს კომუნისტების დროს იყო.

"მეჩვენება, მორწმუნეების დევნის კამპანია ხომ არ იწყება ქვეყანაში. ურწმუნო მორწმუნეს ვერასოდეს გაუგებს. სხვადასხვანაირად უყურებენ ისინი ცხოვრებას. ფრთხილად ვიყოთ.

კომუნისტების პირველ ეტაპზე იყო მებრძოლ ღვთისმგმობელთა კავშირი. იმ მეთოდებით არ შეიძლება ეკლესიასთან ბრძოლა. რეკომენდაცია ეხება მორწმუნეს, ურწმუნოს, ეკლესიასთან მებრძოლს, რეკომენდაციები ყველას ერთნაირად ეხება“, - აღნიშნა პაატა იმნაძემ.

ჩინეთში პნევმონიის აფეთქება 2019 წლის დეკემბერში დაიწყო და ის, აქამდე უცნობი კორონავირუსის შტამპით არის გამოწვეული.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

შეგახსენებთ, რომ საქართველოში კორონავირუსით ინფიცირებულთა რაოდენობა 49-მდე გაიზარდა

COVID 19 - რა უნდა ვიცოდეთ საგანგებო მდგომარეობის შესახებ იხილეთ აქ