მთავარი პროკურორი, არჩილ კბილაშვილი გაზეთ „პრაიმტაიმთან“ ინტერვიუში აღნიშნავს, რომ არ არის გამორიცხული, ბაჩო ახალაიას ბრალი სხვა საქმეზეც წაუყენონ:

„არ არის გამორიცხული ბაჩანა ახალაიას ბრალი სხვა საქმეზეც წაეყენოს. ბაჩანა ახალაიას საქმესთან დაკავშირებით ბრალდების მხარის პოზიცია სრულად იყო დასაბუთებული. ჩვენ სახეზე გვაქვს პირველი ინსტანციის სასამართლოს ერთი მოსამართლის გადაწყვეტილება ახალაიას უდანაშაულობის შესახებ. ეს საქმე კიდევ ექვსმა მოსამართლემ უნდა განიხილოს: სააპელაციო სასამართლოში – სამმა და უზენაეს სასამართლოში – სამმა. ამიტომ, როდესაც ჯერ კიდევ წინაა საქმის განხილვის ორი ეტაპი, ნაადრევია საუბარი იმის შესახებ, რომ პირი უდანაშაულოა. გარდა ამისა, პროკურატურაში მიმდინარეობს სხვადასხვა საქმის გამოძიება და არ არის გამორიცხული, ახალაიას ბრალი სხვა საქმეზეც წაეყენოს", - განაცხადა "პრაიმტაიმთან" ინტერვიუში არჩილ კბილაშვილმა.