„ზიარების გზით ადამიანი ვერ დაავადდება, მაგრამ შეიძლებოდა მეტი მოქნილობის გამოჩენა, როცა ცნობილია, რა უღირსი კამპანია წარმოებს ეკლესიის წინააღმდეგ“

„ზიარების გზით ადამიანი ვერ დაავადდება, მაგრამ შეიძლებოდა მეტი მოქნილობის გამოჩენა, როცა ცნობილია, რა უღირსი კამპანია წარმოებს ეკლესიის წინააღმდეგ“ - თამარ ჩხეიძე

პოლიტიკა - 23:02, 20 Mar, 2020

1009

საქართველოს ეკლესიის წმინდა სინოდის გადაწყვეტილებას, რომლის მიხედვითაც, ეკლესია კორონავირუსის ფონზე, არ ცვლის ზიარების წესს, გამოხმაურება მოჰვა სოციალურ ქსელში. საზოგადოების ნაწილი მიიჩნევს, რომ ეკლესიამ ამ ვითარებაში, დროებით უნდა შეცვალოს ზიარების წესიც და შეწყვიტოს საეკლესიო მსახურებაც. განსახვავებული მოსაზრება აქვს ილია ჭავჭავაძის საზოგადოების თავმჯდომარეს თამარ ჩხეიძეს, რომელიც მიიჩნევს, რომ საპატრიარქოს მეტი მოქინილობა მართებდა მაშინ, როცა ეკლესიის წინააღმდეგ „უღირსი კამოანია წარმოებს“.

„ქოც და არაქოც უღვთოთა ერთობლივ ანტისაეკლესიო სპეცოპერაციას ახალი საკვები მიეცა! ახლა სულ ყველაფერს შემოიხევენ და ეკრანებიდან გადმოხტებიან ჩვენი უღვთონი!შიგ ეკლესიაშიც მრავლადაა ამ სპეცოპერაციის ნებით თუ უნებლიეთ ხელისშემწყობი, რომლებიც ცდილობენ მათ საკვები მუდამ მიაწოდონ! ცხადია, სარწმუნოებრივი თვალსაზრისით ზიარების, ამ ერთ ერთი უდიდესი საიდუმლოს გზით ადამიანი ვერ დაავადება, მაგრამ ამის ახსნას მატერიალისტებისთვის აზრი არ აქვს.ვფიქრობ, რომ შეიძლებოდა მეტი მოქნილების გამოჩენა, მატერიალურ სამყაროში არსებული კანონების გათვალისწინებაც, მით უფრო, რომ ცნობილია, რა უღირსი კამპანია წარმოებს ეკლესიის წინააღმდეგ!“ - წერს თამარ ჩხეიძე ფეისბუქის გვერდზე.