"ყველა ქვეყანას აქვს საშუალება უპრობლემოდ შემოიტანოს სწრაფი ტესტები ჩინეთიდან, ის რაც ხდება საქართველოში, სრულიად ხელოვნური შეფერხებაა"

"ყველა ქვეყანას აქვს საშუალება უპრობლემოდ შემოიტანოს სწრაფი ტესტები ჩინეთიდან, ის რაც ხდება საქართველოში, სრულიად ხელოვნური შეფერხებაა" - მიხეილ სააკაშვილი

პოლიტიკა - 20:14, 20 Mar, 2020

815

საქართველოს მესამე პრეზიდენტი მიხეილ სააკაშვილი სოციალურ ქსელში პოსტს აქვეყნებს. მისი თქმით, კორონავირუსის გამოსავლენი სწრაფი ტესტების ქვეყანაში შემოტანა ყველგან უპრობლემოდ ხდება, საქართველოში კი ამ პროცესის გაჭიანურება ხელოვნურად მიმდინარეობს.
სააკაშვილიმა ასევე განაცხადა, რომ უკრაინაში ჩინეთიდან უკვე შემოტანილია სწრაფი ტესტები დიდი რაოდენობით და არანაირი პრობლემა არ შექმნიათ.

"რაც შეეხება ერთჯერად ტესტებს.ერთჯერადი ტესტების შემოტანა ხდება დიდი რაოდენობით ახლა ძალიან ბევრ ქვეყანაში, მათ შორის უკრაინამ შემოიტანასაკმარისზე მეტი ჩინეთიდან. პრაქტიკულად ყველა ქვეყნის ჯანდაცვის სამინისტროს აქვს საშუალება უპრობლემოდშემოიტანოს ტესტები ჩინეთიდან და რამდენიმე სხვა ქვეყნიდან.ის რაც ხდება საქართველოში, ჩემი აზრით სრულიად ხელოვნური შეფერხებაა.იმედია ეს იმისთვის არ ხდება, რომ ივანიშვილი გამოხტეს უახლოს ორ-სამ დღეში, და თქვას რომ ის შემოიტანს ამ ტესტებს და უფასოდ დაურიგებს ხალხს...იმიტომ, რომ ეს ძველი "ტრიუკია", ბიუჯეტიდან ფული გადაქაჩო საკუთარ ჯიბეში და მერე ყველაფერი შენს თავზე მიიწერო, როდესაცაღმოჩნდება რომ ბიუჯეტს არ აქვს ელემენტარული ფული.ტყუილად გონია ვინმეს, რომ ჩვენი ხალხი ამას გადაყლაპავს!ადამიანების ჯანმრთელობაა ახლა მთავარი და პოლიტიკური ტრიუკების დრო არ არის...უნდა მორჩეს ეს ჯამბაზობა და დროზე დაურიგონ ხალხს ტესტები, როგორც ეს კეთდება იმავე უკრაინაში, სადაც ბევრად უფრო სუსტი სისტემაა, ვიდრე მე დავტოვე საქართველოში." - წერს მიხეილ სააკაშვილი.