გიგა ბოკერია ამბობს, რომ ტექნიკურად შესაძლებელია, რომ თან საგანგებო რეჟიმი იყოს ქვეყანაში შემოღებული და თან საკონსტიტუციო ცვლილებები არ გაჩერდეს.

"ევროპულ საქართველოში" ამბობენ, რომ ამისთვის პოლიტიკური ნება ჭირდება.

"უნდა გვესმოდეს, რომ როცა საგანგებო საკონსტიტუციო რეჟიმზეა საუბარი, ზუსტად უნდა ითქვას კერძოდ რა ზომების მიღება სჭირდება მთავრობას ისეთი, რომელსაც დღეს ვერ იღებს. ამას თუ იტყვიან, მაშინ, რა თქმა უნდა, ყველა დაუჭერს მხარს, ამ კონკრეტულ საკონსტიტუციო რეჟიმს, კონკრეტული შეზღუდვების მისაღწევად,"-ამბობს ბოკერია.

პარლამენტის ვიცე-სპიკერი გიორგი კახიანი ამბობს, რომ კონსტიტუციური ჩანაწერის მიხედვით, საგანგებო მდგომარეობის დროს კონსტიტუციური განხილვები ჩერდება.