დაავადებათა კონტროლის ცენტრის ხელმძღვანელის მოადგილემ, პაატა იმნაძემ განაცხადა, რომ კორონავირუსზე ტესტების მოპოვებისას ყველაზე მნიშვნელოვანია მათი ვალიდურობა, რადგან შეიძლება ბაზარზე ბევრი უხარისხო გაჩნდეს.

როგორც იმნაძემ აღნიშნა, თვითონ 16 მწარმოებლის ტესტებს გაეცნო, რომელიც ელემენტარულ სტანდარტსაც ვერ აკმაყოფილებს. მისივე თქმით, მოლაპარაკებები მიმდინარეობს სამთავრობო დონეზე.

"მოლაპარაკება მიდის სამთავრობო დონეზე, რაც გარანტიას იძლევა. ქვეყანა როდესაც გაძლევს ტესტს, ამას სხვა გარანტია აქვს, როდესაც შენ ბაზარზე მოიპოვებ ტესტს, ამას სულ სხვა... შესწავლა სჭირდება ძალიან მაღალი რანგის, რადგან უკვე არის მსოფლიოში გამოცდილება, რომ ე.წ. ფეიქტესტები გამოჩნდა", - განაცხადა პაატა იმნაძემ.