ახალი კორონავირუსით ინფიცირებული სამი ახალი შემთხვევა - თბილისის ინფექციური საავადმყოფოს ბოქსირებული განყოფილების ხელმძღვანელის თქმით, პაციენტები მათ კლინიკაში არ იმყოფებიან.

„ახალი ინფორმაცია გვაქვს, შეიძლება სასიამოვნო არა, მაგრამ იმედს გაძლევთ, რომ ჯერ ბევრი არ არის ინფიცირებული. დაემატა სამი ახალი ინფიცირებული პაციენტი. ისინი ჩვენ კლინიკაში არ არიან მოთავსებული. ვერ გეტყვით ამ ეტაპზე რომელი კლასტერიდან არის ან ახალი შემთხვევა არის თუ არა. მათი ეპიდანამნეზს ვერ გეტყვით ზუსტად იმიტომ, რომ ეს ახალი ინფორმაციაა. ეპიდემიოლოგიური ანალიზი ჯერჯერობით არ ვიცით, რომელი კლასტერიდან არის და ახალი შემთხვევაა თუ არა. რაც შეეხება ჩვენს კლინიკაში მოთავსებულ 31 პაციენტს, მათი მდგომარეობა სტაბილურია. არიან მსუბუქი, საშუალო და მძიმე შემთხვევები გვაქვს, მაგრამ ყველა სტაბილურად არის”, - განაცხადა მარინა ენდელაძემ.

როგორც ირკვავა, ახალი პაციენტები ბოჭორიშვილის სახელობის კლინიკაში არიან მოთავსებულნი.

ცნობისთვის, საქართველოში კორონავირუსით ინფიცირების შემთხვევათა რაოდენობა 43-მდე გაიზარდა.