პატრიოტთა ალიანსის წევრი, ემზარ კვიციანი მიიჩნევს, რომ არჩევნებიც დისტანციურ სისტემაზე გადავიდეს.

ამასთან როგორც დეპუტატმა პარლამენტის პლენარულ სხდომაზე დისტანციურ რეჟიმზე გადასვლაზე მსჯელობისას განაცხადა, პარლამენტის რიგგარეშე სხდომებიც დისტანციურად უნდა ჩატრდეს.

"პატარა აზრი გამიჩნდა, საკანონმდებლო ორგანოში დისტანციური სხდომები არა მარტო საგანგებო სიტუაციების დროს, არამედ რიგგარეშე სხდომების დროსაც შეიძლება ჩატარდეს. ძალიან ხშირ შემთხვევაში, როდესაც რიგგარეშე სხდომა ტარდება, ხალხი ქალაქიდან გასულია. იდეა ძალიან მომწონს და ვფიქრობ, რომ გაამართლებს. ვფიქრობ, დღევანდელი ტექნოლოგიური საშუალებებით არაფერი გასაჭირი არ იქნება, რათა ეს გაკეთდეს. არჩევნებსაც თუ გადავიტანთ ამ სისტემაზე, იქნება ძალიან კარგი", - თქვა დეპუტატმა.