ბავშვები კორონავირუსის გავრცელების დაბალი რისკ ჯგუფში რჩებიან, თუმცა ისინი დაავადების გავრცელების რისკს წარმოადგენენ - ეს ინფორმაცია მედიას დაავადებათა კონტროლის ეროვნული ცენტრის სამეცნიერო ხელმძღვანელმა პაატა იმნაძემ მიაწოდა.

"ჯერჯერობით, საბედნიეროდ ბავშვები ისევ რჩებიან დაბალი რისკის მქონე, როგორც დაავადების მიმღებლობასთან დაკავშირებით, ასევე დაავადების სიმძიმესთან მიმართებაში. თუმცა ბავშვები რისკს წარმოადგენენ დაავადების გავრცელებასთან დაკავშირებით. მათ მსუბუქად გადააქვთ, მაგრამ შეიძლება იყვნენ გავრცელების წყარო იგივე ბაბუებისთვის და ბებიებისთვის", - თქვა პაატა იმნაძემ.