კორონავირუსის ოთხ ახალ შემთხვევასთან დაკავშირებით, ჯანდაცვის მინისტრმა ეკატერინე ტიკარაძემ მთავრობის ადმინისტრაციაში უწყებათაშორისი საკოორდინაციო საბჭოს სხდომის შემდეგ მინისტრისმა განაცხადა რომ ცნობილია, თუ რომელი კლასტერიდან არიან აღნიშნული პაციენტები, რაც დადებითი ფაქტია.

„დღეისათვის, როგორც იცით, დაგვიფიქსირდა კიდევ დამატებით ოთხი შემთხვევა. ამ ფაქტს აქვს ერთი დადებითი მხარე ის, რომ ჩვენ კვლავ ვიცით, თუ რომელი კლასტერიდან არიან ეს პაციენტები“ ,- თქვა ტიკარაძემ.

მისივე განცხადებით, ამდროსიათვის ოთხი ახალი ინფიცირებულიდან ორი პაციენტი ინფექციურ საავადმყოფოში, დანარჩენი კი პირველ საუნივერსიტეტო კლინიკაში იმყოფება. მათი ჯანმრთელობის მდგომარეობა კი სტაბილურია.

„მოხდა სიმპტომების გამოვლენა და შემდგომ უკვე ლუგარის ლაბორატორიის მიერ დადასტურება, რომ ისინი არიან კორონავირუსის მატარებლები. 38 -ე პაციენტი, უფრო სწორედ ერთი პაციენტი, რომელიც ჩვენ გვყავდა კორონავირუსით, მისი მდგომარეობა სტაბილურია, და რეციდივი ამ ეტაპისთვის გამოვლენილი არ არის. ის კვლავ აგრძელებს თვითიზოლაციაში ყოფნას და იმყოფება ექიმების მეთვალყურეობის ქვეშ. სამი პაციენტი, რომლის მდგომარეობაც შედარებით ყურადსაღებია, მათი მდგომარეობაც არის სტაბილური. ჩვენ გვაქვს ამ შემთხევვაშიც დამაიმედებელი პროგნოზი, რამდენიმე დღეში გვეცოდინება უფრო მეტი დეტალი მათი ჯანმრთელობის შესახებ“ ,- განაცხადა ეკატერინე ტიკარაძემ.

შეგახენებთ, რომ ამეტაპზე საქართველოში ახალი კორონავირუსით ინფიცირებულთა რაოდენობა 38-ს შეადგენს.