„პირველი კაცი და პირველი ლედი“, – ამ სათაურით აქვეყნებს გაზეთი „ასავალ–დასავალი“ სტატიას მომავალ პრემიერმინისტრ ირაკლი ღარიბაშვილზე, სადაც მისი ბიოგრაფიის როგორც საქმიანი, ასევე პირადი დეტალების განხილული.

სტატიაში აღწერილია ის წარმატებები, რომლებიც ირაკლი ღარიბაშვილის მოღვაწეობას უკავშირდება როგორც პრემიერმინისტრ ბიძინა ივანიშვილთან დაკავშირებულ ბიზნესში, ასევე შს მინისტრად ღარიბაშვილის მუშაობის პერიოდში.

„ღარიბაშვილის მოსვლა იმას ნიშნავს, რომ ივანიშვილი არსად მიდის“, – ეს დასკვნა სტატიის ავტორს იქედან გამომდინარე გამოაქვს, რომ სწორედ ირაკლი ღარიბაშვილი ითვლება დღევანდელი მთავრობის წევრებს შორის იმ პირად, ვისთანაც ბიძინა ივანიშვილს მრავალი წლის ურთიერთობა აკავშირებს და ვისაც ის ყველაზე მეტად ენდობა.