„ამაზრზენი ქმედება პოლიტიკური ქულების დასაწერად“ - ვინ დგას დეზინფორმაციის უკან, რომელიც სააკაშვილის ბიბლიოთეკის თანამშრომლის კორონავირუსით დაავადების შემთხვევას ავრცელებს

პოლიტიკა - 19:45, 17 Mar, 2020

1580

კორონავირუსთან დაკავშირებით ქვეყანაში შექმნილი ისედაც დაძაბული ვითარების ფონზე, გავრცელდა ინფორმაცია, რომელშიც ნათქვამია, რომ „მიხეილ სააკაშვილის ბიბლიოთეკის 72 წლის თანამშრომელს კორონავირუსი დაუდგინდა“. აღნიშნული ინფორმაცია ვებ გვერდის interpressnet.com მიერაა გავრცელებული.

„ნიუპოსტი“ ინფორმაციის გადასამოწმებლად სააკაშვილის ბიბლიოთეკის ხელმძღვანელს, თავდაცვისა და განათლების ყოფილ მინისტრს დიმიტრი შაშკინს დაუკავშირდა, რომელმაც ჩვენთან საუბარში მსგავსი ფაქტი კატეგორიულად უარყო და განაცხადა, რომ მსგავსი დეზინფორმაციის გავრცელება მოსახლეობაში პანიკის დათესვას უკავშირდება. როგორც შაშკინმა გვითხრა, ბიბლიოთეკამ უკვე მიმართა რეაგირებისთვის შს და ჯანდაცვის სამინისტროებს, მათ შორის მედიის საბჭოს.

„ეს სტატია არის ფეიკი, ეს არის დეზინფორმაცია და მტკნარი სოცრუე. ძალიან ცუდია, რომ ამ რთულ ვითარებაში არის ხალხი, რომლებიც ცდილობს პოლიტიკური ქულების დაიწეროს აი, ესეთი ტყუილის ტირაჟირებით. ჩვენ რა თქმა უნდა ბიბლიოთეკაში არც 72 წლის თანამშრომელი გვყავს და არც დაავადებული თანამშრომელი გვყავს . ეს კეთდება იმისთვის, რომ დათესონ უფრო მეტი პანიკა ქვეყანაში და ეს კეთდება იმისათვის, რომ მოსალეობის გარკვეულ ნაწილში ჩამოაყალიბონ აზრი, რომ არ შეიძლება ბიიბლიოთეკაში მოსვლა. კიდევ ერთხელ ვიმეორებ, რომ ეს არის მტკნარი სიცრუე. ჩვენ მივმართეთ შინაგან საქმეთა სამინისტროს, ჯანდაცვის სამიისტროს, ჩვენ მივმართავთ მედიის საბჭოს იმიტომ, რომ ძალიან მნიშვნელოვანია ყველა უწყებამ აჩვენოს, რომ პანიკის დათესვის წინააღმდეგ, დეზინფორმაციის წინააღმდეგ სახელმწიფო ორგანოები და ის ორგანოები, რომლებიც ვალდებულია რომ მოახდინონ რეაგირება მუშაობენ, იღებენ ზომებს და არ აქვს მნიშვნელობა, რომელ პოლიტიკურ ძალასთან აფილირებული ჯგუფიდან მოდის ასეთი ტყუილი, ნებისმიერ შემთხვევაში, ეს არის ამაზრზენი და მისი ავტორები კი უკიდურესაც ზნედაცემულები ადამიანები“ - აცხადებს დიმიტრი შაშკინი.