"სახელმწიფოს აღარ უნდა ერიდებოდეს საპატრიარქოსი, ღიად და კატეგორიულად უნდა მოუწოდოს ეკლესიებში მსახურების დროებით შეჩერება"

"სახელმწიფოს აღარ უნდა ერიდებოდეს საპატრიარქოსი, ღიად და კატეგორიულად უნდა მოუწოდოს ეკლესიებში მსახურების დროებით შეჩერება" - ნიკა მელია

პოლიტიკა - 15:47, 17 Mar, 2020

1082

"სამარშრუტო ტაქსებით მგზავრობის აკრძალვასთან ერთად, ჯობდა ეკლესიებში შეკრებებიც აგეკრძალათ"- ამის შესახებ "ერთიანი ნაციონალური მოძრაობის" ლიდერი, ნიკა მელის საკუთარ სოციალურ ქსელში წერს.
მელია განცხადებას სასულიერო პირების მიერ, თბილისი ქუჩების, ძვირათღირებული ავტომობილებიდან კურთხევის ამსახველ ფოტოსაც ურთავს და წერს:

"სახელმწიფოს აღარ უნდა ერიდებოდეს საპატრიარქოსი, ღიად და კატეგორიულად უნდა მოუწოდოს ეკლესიებში მსახურების დროებით შეჩერება! წინააღმდეგ შემთხვევაში რა გამოდის, სამარშრუტო ტაქსში 10 კაცთან მგზავრობა სიცოცხლისთვის სახიფათოა და ტაძრებში ასეულებთან ერთად დგომა და ერთი კოვზით ზიარება - უსაფრთხო?

თუ ეპიდემიას ნაკურთხი წყალი ამარცხებს, მაშინ ხალხს რაღას ვუშვებთ კარანტინში, ან რას ვკეტავთ თვითიზოლაციაში, ან ცა რისთვის დავკეტეთ, ან საზღვრები?

ვიმეორებ, თუ არ ვკრძალავთ ხალხმრავლობას ეკლესიაში, რა ნიშნით და რა ლოგიკით ვკრძალავთ ან სამარშრუტო ტაქსებით მგზავრობას, ან სკოლებს, ბაღებს, უნივერსიტეტებს, თეატრებს, ბარებს და რესტორნებს? იქ სხვა ხალხი დადის და ეკლესიაში - სხვა?

თუ სახელმწიფოს ვისთანაც გასდის იმას ყველაფერს ვუკრძალავთ და ვისთანაც ვერა, ვერაფერს?

მივმართავ ხელისუფლებას, იმოქმედეთ უფრო თამამად!"- წერს მელია.

ცნობისთვის, საქართველოს მთავრობის გადაწყვეტილებით, თბილისში ხვალიდან სამარშრუტო ტაქსების მოძრაობა აიკრძალება.