''ევროპული საქართველოს'' წევრი, ზურაბ ჭიაბერაშვილი კორონავირუსით გამოწვეულ ეკონომიკურ ზიანს ეხმაურება. მისივე თქმით, ლარის გაუფასურება სიღარიბის უკიდურეს ზღვარს მიაღწევს და არნაირ ''სამთავრობო დახმარებას'' აზრი აღარ ექნება.

''თუ ლარი გაიქცა, არანაირ "სამთავრობო დახმარებას" აზრი არ ექნება. არც გადავადებული სესხები უფრო დამძიმდება. ასევე ფასები სასურსათო მაღაზიებსა და აფთიაქებში მიუწვდომელი გახდება ათასობით ადამიანისთვის დ სიღარიბე იმაზე მეტად გაიზრდება, ვიდრე ლარის სტაბილურობის შემთხვევაში. ამიტომაც ეროვნულმა ბანკმა საპროცენტო განაკვეთი არ უნდა დაწიოს მაინც, თუ არ აწევს.

მთავრობამ გადასახადები დაწიოს, ფული ჩატოვოს ხალხში (თუ ერბანკი საპროცენტო განაკვეთს ზრდის, ისედაც მცირდება ფულის მიწოდება) და თვითონ დახარჯოს უფრო ცოტა.

მთავრობის მიერ ამოღებული და მერე განაწილებული ფული უფრო ძნელად იპოვის თავის სამიზნეს, ვიდრე ადამიანთა შორის თავისუფალ მიმოცვლაში ჩატოვებული.

მთავრობა ფიქრობს, იმაზე მეტი შეღავათი არ გაუკეთოს ხალხს, ვიდრე ეს საჭიროა. სინამდვილეში საქმე პირიქითაა: რაც უფრო ნაკლებ შეღავათებს გაუკეთებს მთავრობა გადასახადის გადამხდელებს დღეს, მით მეტად დამძიმდება სიტუაცია ხვალ.'' - განაცხადა ჭიბერაშვილმა.