"საბანკო პროცენტები კი არ უნდა გადავადდეს, არამედ უნდა გაჩერდეს..."

"საბანკო პროცენტები კი არ უნდა გადავადდეს, არამედ უნდა გაჩერდეს..." - დავით ჭიჭინაძე

პოლიტიკა - 17:07, 14 Mar, 2020

1145

დეპუტატი დავით ჭიჭინაძე 13 მარტს გავრცელებულ ინფორმაციას ეხმაურება, რომლის მიხედვითაც ბანკები კორონა ვირუსის საფრთხის გამო მზად არიან მოსახლეობას გაუკეთონ შეღავათი და გადაუვადონ პროცენტები. დეპუტატის თქმით პროცენტის გადავადება არაფერს ნიშნავს და ბანკებს თუ უნდათ ოდნავ მაინც შეიტანონ წვლილი ამ ურთულესი მდგომარეობიდან გამოსვლაში, პროცენტები კიარ უნდა გდავადდეს, ყველას უნდა შეუჩერდეს.

"ნებისმიერ ადამიანს, იქნება ეს ფიზიკური პირი, თუ იურიდიული, განსაკუთრებით კი, მცირე და საშუალო ბიზნესის წარმომადგენლებს, უნდა შეუჩერდეთ საპროცენტო გადასახადები და ეს უნდა იყოს არა ბანკების კეთილი ნება, არამედ ეს უკვე სახელმწიფომ უნდა უზრუნველყოს !

რადგან, ფაქტია, რომ ბანკებს, ჩვენს ქვეყანაში, ოდნავი წვლილის შეტანაც არ უნდათ იმ ურთულეს მდგომარეობაში, რომელიც დღეს არა მარტო საქართველოში, მთელ მსოფლიოშია.

13 მარტს თითქოს გაცხადდა, რომ კერძო პირებს სამი თვის განმავლობაში პროცენტები შეუჩერდებოდათ, მაგრამ ეს აღმოჩნდა პროცენტების მხოლოდ გადავადება და შეჩერება აზრადაც არავის მოსვლია. რაც კიდევ ერთხელ მიანიშნებს რომ კომერციული ბანკები არ ცხოვრობენ ჩვენი ქვეყნის დღის წესრიგით.

ამიტომ, მე მოვუწოდებ სახელმწიფოს, რომ ეს იყოს უკვე არა ბანკების კეთილი ნება, არამედ სახელმწიფომ უნდა შეძლოს ჩარევა მათ საქმიანობაში და ის პერიოდი, რომელიც ქვეყანაში პრაქტიკლულად პარალიზებულია ეკონომიკისთვის, გამოცხადდეს ფორს მაჟორულად და ნებისმიერ ადამიანს, ფიზიკური პირი იქნება ეს თუ იურიდიული, შეუჩერდეთ პროცენტები. განსაკუთრებით მცირე და საშუალო ბიზნესის წარმომადგენლებს, მითუმეტეს, რომ აქ არავინ საუბრობს ძირი თანხების ჩამოწერაზე.

ძალიან ბევრ კითხვას აჩენს ლარის ასეთი რეკორდული გაუფასურებაც.

როდესაც საპროცენტო შენატანები, საერთაშორისო ვაჭრობა, ტურიზმი გაჩერებულია, მაშინ საიდან ჩნდება ჩვენს ქვეყანაში ასეთი მოთხოვნა დოლარზე?! გამოდის კომერციული ბანკები ახდენენ ამ ყველაფრის მანიპულირებას და სებ-ის მიერ გატარებული ღონისძიებები საკმარისი არ არის.

მოკლედ, ბანკები და სააფთიაქო ქსელელები საქართველოში, ვერაფრით მიეჩვიენ, რომ მსგავს ფორს მაჟორულ სიტუაციაში მაინც იცხოვრონ საერთო სახალხო ინტერესებიდან გამომდინარე და არა მხოლოდ საკუთარი გამდიდრების ინტერესებიდან გამომდინარე.

მთლიანობაში კი, დღეს მთავრობას ეკონომიკური გუნდიც არ ყავს და სერიუზულად უნდა ვიფიქროთ ეკონომიკური პროფილის მინისტრების ჩანაცვლებაზე, თუ გვინდა რომ მეტ-ნაკლებად სიმშვიდე და გარკვეული სტაბილურობა შევინარჩუნოთ ქვეყანაში." - აცხადებს დავით ჭიჭინაძე.