"პაატა იმნაძის დედა თავის პენსიას გურულის დღიურების ფონდისთვის გვაძლევს...“

"პაატა იმნაძის დედა თავის პენსიას გურულის დღიურების ფონდისთვის გვაძლევს...“ - გიორგი კეკელიძე

სოც.მედია - 20:08, 12 Mar, 2020

2674

სოციალურ ქსელში პაატა იმნაძის დედამ ნუნუ დუმბაძემ პოსტი გააზიარა, რომელიც კორონა ვირუსით ინფიცირებული პაციენტის განკურნებას ეხებოდა, პოსტი სიცრუე აღმოჩნდა და მას შვილმა, პაატა იმნაძემ დაუკომენტარა "დედა, ტყუილებს ნუ აზიარებ “. ამ კომენტარმა ბევრი გაამხიარულა, ბევრს კიდევ წარსულის მოგონებები გაუღვიძა ქალბატონ ნუნუსთან დაკავშირებით.

საქართველოს ეროვნული ბიბლიოთკის დირექტორი გიორგი კეკელიძე მისა და ნუნუ დუმბაძს ურთიერთობას იხსენებს და სოციალურ ქსელში პოსტს აქვეყნებს, მისი თქმით "ნუნუ ბებია" გურული დღიურების ფონდს საკუთარი პენსიით აფინასებს.

„რადგან ასე აქტუალურია, მისი სავარაუდო გაბრაზების მიუხედავად, აუცილებლად უნდა ვთქვა, რაც ოდესმე მაინც უნდა მეთქვა – ნუნუ ბებია – გნებავთ ნუნუ დუმბაძე, პაატა იმნაძის დედა და ჩემი უფროსი მეგობარი – საოცარი ადამიანია. აი, მაგალითად, უამრავჭირნანახი, 90 წლის ქალი, პენსიიდან ფულს აგროვებს, ჭიქა ღვინოზე გვპატიჟებს და კონვერტით გურული დღიურების ფონდისთვის გვაძლევს ხოლმე, პატარა მოსწავლეებს რომ გადავცეთ.
ზუსტად ვიცი, როგორ განიცდის ახლა ამ ამბავს და როგორ ეჩქარება კარგი დასასრული. და ისიც ზუსტად ვიცი, რომ ყველაფერი ისე იქნება, როგორც მას უნდა“.