ინ ვიტრო ანუ იგივე ხელოვნური განაყოფიერება ჟორდანიას კლინიკის ერთ-ერთი მთავარი მიმართულებაა. იგი პირველი რეპროდუქტიული სამედიცინო ცენტრია საქართველოში.

ჟორდანიას კლინიკის პროფესიონალ ექიმთა გუნდის, მრავლწლიანი გამოცდილების და მაღალტექნოლოგიური ლაბორატორიის წყალობით, კლინიკას ინ ვიტრო განაყოფიერების წარმატებული მაჩვენებელი აქვს - ორსულობის დადგომის სიხშირე ჟორდანიას კლინიკაში 75%-ია.

კლინიკაში დანერგილი მოწინავე ტექნოლოგიების და თანამედროვე მეთოდების სინთეზი ინ ვიტრო განაყოფიერებას უსაფრთხო და ეფექტურ პროცედურად აქცევს. სწორედ ამის გამო, ჟორდანიას კლინიკას ინ ვიტრო განაყოფიერებისთვის უცხოელი პაციენტებიც აკითხავენ.

რა არის ინ ვიტრო განაყოფიერება

ინ ვიტრო განაყოფიერება ლაბორატორიულ პირობებში კვერცხუჯრედის და სპერმატოზოიდის შერწყმას გულისხმობს, მიღებული ემბრიონი კი ქალის საშვილოსნოს ღრუში ინერგება, სადაც მისი შემდგომი ზრდა-განვითარება იწყება. განაყოფიერების პროცესი ქალის ორგანიზმში ბუნებრივად მიმდინარე განაყოფირების იდენტურია.

ინ ვიტრო განაყოფიერება თანამედროვე მედიცინის პირობებში უშვილობის მკურნალობის ერთ-ერთი ყველაზე ეფექტური და წარმატებული მეთოდია. ხელოვნურ განაყოფიერებას მიმართავენ გარკვეული სამედიცინო ჩვენებების დროს, ასეთი კი შეიძლება იყოს ფალოპის მილების გაუმტარიანობა ან არქონა, არარეგულარული მენსტრუალური ციკლი, მოუწესრიგებელი ოვულაცია, ენდომეტრიოზი, მამაკაცის სპერმის არასრულფასოვნება, ჰორმონალური დარღვებები, გენეტიკური ფაქტორი და ა.შ. ასეთ დროს ინ ვიტრო განაყოფიერება უშვილობის წინააღმდეგ ბრძოლის ერთადერთი გზაც კი შეიძლება იყოს.

განაყოფიერების პროცედურა დაახლოებით 2-3 კვირა გრძელდება, რაც მოიცავს საკვერცხის სტიმულაციას, კვერცხუჯრედების ასპირაციას, მათ ლაბორატორიულ პირობებში განაყოფიერებას, ემბრიონის მიღებას და მის საშვილოსნოს ღრუში გადატანას.

როდის და რატომ მივმართოთ ჟორდანიას კლინიკას ინ ვიტრო განაყოფიერებისთვის

დღეისათვის ითვლება, რომ თუ 1 წლის განმავლობაში, დაუცველი რეგულარული სქესობრივი ცხოვრების პირობებში, ორსულობა არ დადგა, საჭიროა უშვილობის მიზეზის გარკვევა და შესაბამისი კვლევების დაწყება. თუ ქალის ასაკი 35 წელზე მეტია, მაშინ ორსულობის მოლოდინის პერიოდი, 1 წლის ნაცვლად, მხოლოდ 6 თვეა.

ჟორდანიას კლინიკაში დიაგნოსტირების თანამედროვე მეთოდებია დანერგილი, კლინიკის გამოცდილი ექიმი-გინეკოლოგები და რეპროდუქტოლოგები კი უშვილობის მკურნალობისთვის თანამედროვე სამედიცინო პროტოკოლებს ეყრდნობიან.

კლინიკა აღჭურვილია უახლესი სამედიცინო აპარატურით და მაღალტექნოლოგიური ლაბორატორიით, სადაც ქართველ ექიმებთან ერთად, უცხოეთიდან მოწვეული ექიმი-ემბრიოლოგები მუშაობენ. ინ ვიტრო განაყოფიერება ჟორდანიას კლინიკაში ყველა პროცედურის მაღალ დონეზე დაცვით მიმდინარეობს. პაციენტზე ორიენტირებული გარემო, ინდივიდუალური მიდგომა და ხარისხიანი სამედიცინო სერვისი ჟორდანიას კლინიკას რეგიონში ინ ვიტრო განაყოფიერების ლიდერად აქცევს.