ჰარტბეესპოორტი სამხრეთ აფრიკული ქალაქია, რომელიც ცნობილია ჰარტბეესპოორტის კაშხალით. ამ ადგილს არაერთი ტურისტი ნახულობს, თუმცა თქვენ აქ წააწყდებით სახლს, რომლის სახურავი მიწისკენაა მიმართული, ხოლო იატაკი ჰაერშია აწეული. ეს არის სახლი, რომელიც ტურისტების ყურადღებას იქცევს. სახლი იოჰანესბურგიდან 75 კილომეტრში მდებარეობს. სახლი ამობრუნებული მხოლოდ გარედან არაა, არამედ მისი შიგნითა ნაწილიც თავდაყირაა. თქვენ ჭაღის ნაცვლად ტახტს შეხვდებით ზემოთ და პირიქით.