დღეს, მთავრობის სხდომის დასრულებისას, იუსტიციის მინისტრმა თეა წულუკიანმა, საზოგდოებას მიმართა, თავიშეიკავონ საზოგადოებრივ ცენტრებში, რეესტრის ტერიტოროულ სამსახურებსა და სანოტარო ბიურებში მისვლაზე.

მისივე განმარტებით, იუსტიციის სახლები დედაქალსა და რეგიონებში 30 000-ზე მეტ მოქალაქეს ემსახურება, აქედან გამომდინარე მოქალაქეებმა, ვირუსისი გავრცელების პრევენციის მიზნით, თხოვნა უნდა გაითვალისწინონ.

„გარდაუვალი აუცილებლობა არის ის, რომლის გადადებაც გვიანდელი დროისთვის არ შეგიძლია. ძალიან მნიშვნელოვანია, რომ მოქალაქე, რომელსაც ექნება გარდაუვალი აუცილებლობა და მაინც მობრძანდება სერვისის მისაღებად, თავი შეიკავოს, რომ თან ჰყავდეს თანმხლები პირები. ეს არის კლასიკური შემთხვევა. განსაკუთრებით, იუსტიციის დიდ სახლებში, მოქალაქეები სერვისის მისაღებად თანმხლებ პირებთან ერთად მოდიან. გთხოვთ, ამისგანაც შეიკავოთ თავი, რადგან ჩვენი მიზანია, რაც შეიძლება ნაკლები ადამიანი მოძრაობდეს საჯარო სივრცეებში. მესამე - თუ შეგიძლიათ, რომ ესა თუ ის მომსახურება მიიღოთ ელექტრონულად, ონლაინ, ამ მეთოდს მიმართეთ . ჩვენ იმ სერვისების ნუსხას გამოვაქვეყნებთ, რომლის მიღებაც შესაძლებელია ონლაინ, - განაცხადა თეა წულუკიანმა.