ნინო ქადაგიძის კანდიდატურის წარდგენას უზენაესი სასამრთლოს თავჯდომარის თანამდებობაზე, იუტიციის საბჭოს არამოსამრთლე წევრი ანა დოლიძე, უარყოფითად აფასებს. მისივე თქმით საბჭოს წევრებმა, ნინო ქადაგიძე მხოლოდ სასამართლოში გაბატონებული ე.წ ''კლანთან’’ სიახლოვის გამო შეარჩიეს.

''ნინო ქადაგიძე იყო უზენაესეი სასამართლოს მოსამართლე და მიხეილ ჩინჩალაძის უშუალო კოლეგა პალატაში, მასთან ერთად წერდა გადაწყვეტილებებს.ამ პოლიტიკური ძალის მხრიდან, ამ ადამიანის დაწინაურება იმდენად წინააღმდეგობრივია დარწმუნებული ვარ პირველ რიგში ლახვარს ჩასცემს იმ ადამიანებს, რომლებიც ქომაგობდნენ და ქომაგობენ ამ პოლიტიკურ ძალას. ნინო ქადაგიძე არის სიმბოლო იმ სისტემისა, რომლის დასანგრევად ვართ ჩვენ მობილიზებული"- აცხადებს დოლიძე.

არასამთავრობო სექტორი კი შალვა თადუმაძესა და ქადაგიძეს შორის სხვაობას ვერ ხედავს და საზოგადოებაში ინსტიტუტებისადმი ნდობის საბოლოოდ დაკარგვის საფრთხედ აღიქვამს. "იემსის" იურისტის თქმით, ქადაგიძის მიმართ ბევრი შეკითხვა არსებობს.

''ის იყო თავის დროზე იმ ათკაციან სიაში, რომელიც იუსტიციის საბჭომ ყოველგვარი განხილვის გარეშე წარუდგინა პარლამენტს უზენაეს სასამართლოში დასანიშნად და მეორეს მხრივ, ნინო ქადაგიძეს არ აქვს იმგვარ ბექგრაუნდი, რომელიც საზოგადოებას დაარწმუნებდა რომ ის რეალურად რის დამოუკიდებელი" - აღნიშნა გურამ იმნაძემ.

შეგახსენებთ, რომ ქადაგიძე უზენაესი სასამართლოს თავმჯდომარეობის კანდიდატად იუსტიციის საბჭომ გუშინ დაასახელა. აღსანიშნია რომ იყო მოლოდინი რომ კენჭისყრის დროს შალვა თადუმაძის სახელიც გაიჟღერებდა თუმცა საბჭომ საბოლოოდ ნინო ქადაგიძე შეარჩია. ქადაგიძეს მხარი არ დაუჭირეს საბჭოს არამოსამართლე წევრებმა.