"თქვენ არ ხართ მარტო, თქვენ გვერდით არის სახელმწიფო და თქვენ გვერდით ვართ ჩვენ..."

"თქვენ არ ხართ მარტო, თქვენ გვერდით არის სახელმწიფო და თქვენ გვერდით ვართ ჩვენ..." - კახი კალაძე განცხადებას ავრცელებს

სოც.მედია - 10:31, 08 Mar, 2020

1624

თბილისის მერი კახი კალაძე იტალიაში ქალაქ მილანში იმყოფება, საიდანაც ქალბატონებს ქალთა საერთაშორისო დღეს ულოცავს. პოსტში, რომელსაც ის სოციალურ ქსელში აქვეყნებს, მან ასევე ხაზი გაუსვა ქალთა მიმართ ძალადობის აღმოფხვრის აუცილებლობას და მოუწოდა ქალებს, იყვნენ უფრო ძლიერები და ისაუბრონ მეტი პრობლემებზე.

"ქალთა საერთაშორისო დღეს ვულოცავ ჩვენს ულამაზეს ქალბატონებს, რომელთა შრომა, მიზანდასახულობა, გონიერება, გულისხმიერება, ზრუნვა და, რასაკვირველია, სიყვარული აქცევს თითოეულ ჩვენგანს პიროვნებად.
მივმართავ საქართველოში მცხოვრებ იმ ქალებს, რომლებიც, სამწუხაროდ, აღმოჩდნენ ძალადობის მსხვერპლნი ან ახლაც განიცდიან სხვადასხვა სახის ზეწოლას - არ შეშინდეთ, არ გაჩუმდეთ, ისაუბრეთ პრობლემაზე, იბრძოლეთ თქვენი უფლებებისთვის; თქვენ არ ხართ მარტო, თქვენ გვერდით არის სახელმწიფო და თქვენ გვერდით ვართ ჩვენ, საზოგადოება, რომლისთვისაც სრულიად მიუღებელია ჩაგვრა და ძალადობა.ყველა ქალს ვუსურვებ ბედნიერებას, წინსვლას და წარმატებებს!გილოცავთ!“, - წერს თბილისის მერი.