უახლოეს მომავალში იტალიიდან 95 საქართველოს მოქალაქის ჩამოყვანა იგეგმება. ამის შესახებ საგარეო საქმეთა მინისტრის მოადგილემ, ალექსანდრე ღვთისიაშვილმა განაცხადა.

მოქალაქეებმა, რომლებიც იტალიაში იმყოფებიან იტალიაში საქართველოს საელჩოს ცხელ ხაზზე უნდა მიმართონ(რომში საქართველოს საელჩოს ცხელი ხაზი — +333 8879123) და იმეილზე სპეციალური დოკუმენტები წარუდგინონ. საქართველოს მოქალაქეებს, რომლებსაც უახლოესი 2 კვირის განმავლობაში შეძენილი ან დაჯავშნილი ჰქონდათ ბილეთები, ქვეყანაში სამინისტრო დააბრუნებს.

"დღევანდელი მდგომარეობით შემიძლია გითხრათ, რომ გვყავს 95 ადამიანი, რომელმაც წარმოადგინა შესაბამისი დოკუმენტაცია იმეილზე, მოხდა ამ ადამიანებთან დაკავშირება. ყველა მათგანს საელჩოს თანამშრომლები ესაუბრნენ. შესაბმისად, ამ 95 ადამიანის წამოყვანას ვგეგმავთ უახლოეს დღეებში" - თქვა ალექსანდრე ღვთისიაშვილმა.