ჯანდაცვის მინისტრი ეკატერინე ტიკარაძე, მთვარობის სხდომაზე გამოეხმაურა ფაქტს, კორონავირუსით დაინფიცირებულ მეოთხე პირს 25 ადამინთან ჰქონდა კონტაქტი, სანამ ის გადავიდოდა კარანტინის ზონაში. მისივე განცხადებით, კონტაქტში მყოფი ყველა პირი იქნა მოძიებული და მათ შესაბამისი გამოკვლევები ჩაუტარდებათ.

„რაც შეეხება ფრენებს, ჯანდაცვის სამინისტრო, ჯერჯერობით არ იძლევა რეკომენდაციებს ფრენების შეჩერებასთან დაკავშირებით, ვინაიდან, ჩვენ ღრმად ვართ დარწმუნებული, რომ შეგვიძლია სიტუაციის კონტროლი და ყველა ის შემთხვევა, რომელიც გამოვლინდა, ჩვენი აქტიური მუშაობით გამოვლინდა.

ამ მუშაობის გამო მადლობას ვუხდი ყველას, ვინც მუშაობს საზღვარზე, ესენი არიან მესაზღვრეები თუ ჩვენი პერსონალი, რომლებიც ადგილზე გვყავს მივლენილი. ეს არის ძალიან მნიშვნელოვანი გამოწვევა ჯანდაცვის სფეროსთვის, რასაც საქართველოს ჯანდაცვის სისტემა საკმაოდ კარგად ართმევს თავს,''- ტიკარაძე.

რაც შეხება კორონავირუსით ინფიცირებულ მეოთხე პირს, მინისტრის განმარტებით, ეს პაციენტი იმყოფებოდა თვითიზოლაციაში.

„შემდგომში მასთან კომუნიკაციის გამო გახდა მისი სტაციონარიზაცია და დამატებითი კვლევების ჩატარება. ეს ადამიანი არ იყო სამსახურში და შესაბამისად, მდგომარეობა ამით გაცილებით უკეთესია“, - განაცხადა ჯანდაცვის მინისტრმა ტიკარაძემ.