პატრიარქის ინიციატივით, ხეებს მოსწავლეები დარგავენ და ყოველ დარგულ ხეზე, მათ 50 თეთრს გადაუხდიან. ფონდი პატრიარქის ინიციატივით შეიქმნა. ილია მეორემ ცოტა ხნის წინ ფონდის ანგარიშზე პირველი შესატანი 50 000 დოლარი გადარიცხა. 

"მთელი მსოფლიო, ეს არის გარემოს სისუფთავე, წყლის, ჰაერის. ერთ ერთი საკითხი, რომელიც მთვარი საკითხია, ეს არის გამწვანება. უკვე მრავალი წელია ეს საკითხი დგას ჩვენს წინაშე და ვფიქრობ, რომ დადგა დრო, როცა ჩვენ პრაქტიკულად უნდა მოვახმაროთ, ყველაფერი უნდა გავაკეთოთ ჩვენს ქვეყანაში, რომ ყველამ მიიღოს მონაწილეობა გამწვანებაში", - ილია მეორე. პრეზენტაციას ბიზნესმენი ლევან ვასაძეც ესწრებოდა. როგორც მან ჟურნალისტებს განუცხადა, მისთვის პატრიარქის ინიციატივა მისასალმებელია.

"ჩვენ ხშირად არ გვცხელა ხოლმე სხვა პოლიტიკური საკითხებით დაკავებულებს აი, ამ სტრატეგიული, ძალიან მნიშვნელოვანი საკითხებისათვის და მისმა უწმინდესობამ მიგვაქცევინა ყურადღება ამაზე, მე ასე ვიტყოდი კიდევ ერთხელ და ძალიან დიდ საქმეს ჩაუყარა საფუძველი", - ვასაძე