ოფიციალური ინფორმაცია - საქართველოში კორონავირუსის ახალი შემთხვევა არ ფიქსირდება

ჯანმრთელობა - 10:55, 28 Feb, 2020

2817

ოფიციალური ინფორმაციით კორონავირუსის ახალი შემთხევა საქართველოში არ დაფიქსირებულა. 11 პაციენტის ჯანმრთელობის მდგომარეობა დამაკმაყოფილებელია, მათი ლაბორატორიული ანალიზის პასუხი დღის ბოლოს გახდება ცნობილი.

შეგახსენებთ, რომ გუშინ 6 პაციენტი აბასთუმანის ბოქსირებულ განყოფილებაში გადაიყვანეს. ამ დროისათვის მათი ჯანმრთელობის მდგომარეობა დამაკმაყოფილებელია.

„ამ დროისთვის ჩვენთან უკვე 28 პაციენტი წევს. გუშინ ცენტრი დატოვა 6-მა პაციენტმა, ისინი გადაყვანილები არიან საკარანტინო სივრცეში.

გუშინ შემოვიდა 17 პაციენტი. აქედან კვლევა ჩაუტარდა ჯერჯერობით 11-ს. კვლევები ტარდება სამ ეტაპად. 17-18 პაციენტის შემოსვლა ერთდროულად ბევრია, თითოეული ტესტის აღებას ხანგრძლივი პერიოდი სჭირდება. ამიტომ იმისთვის, რომ მოხდეს ყველას გამოკვლევა, გუშინ სამ ეტაპად ჩატარება გადავწყვიტეთ. ორი ეტაპის, 11 პაციენტის პასუხი, რომელიც დილას და შუა დღეს იყო, უარყოფითია, დანარჩენი ტესტების პასუხები, რომელიც დღის მეორე ნახევარში გაკეთდა, ალბათ დღეს დილით ან შუადღეს იქნება და პასუხს მოგვცემენ. სიტუაცია ჩვენს სტაციონარში სტაბილურია. ვაკონტროლებთ სიტუაციას და ვნახოთ, რა იქნება“,- განმარტა ინფექციური საავამდყოფოს სამედიცნო განყოფილების უფროსმა, მარინა ეზუგბაიამ.