"ბიჭზე ოჯახში ძალადობდნენ, სკოლაში იყო ბულინგის შემთხვევები" - დედის და ბებიის მკვლელობის სკანდალური დეტალები

სამართალი - 15:03, 25 Feb, 2020

2163

თბილისში ბებიასა და დედის მკვლელობის საქმეზე ახალი და საკანდალური დეტალები ხდება ცნობილი.

როგორც ირკვევა, ბიჭი 18 წლისაა და ის კერძო სკოლაში სწავლობდა.

ადვოკატი თამარ გაჩეჩილაძე აცხადებს, რომ მოზარდი ოჯახის წევრების მხრიდან ბულინგის მსხვერპლი იყო.

უფლებადამცველი სკოლაში შესაძლო ჩაგვრაზეც ამახვილებს ყურადღებას.

"ეს ბავშვი იზრდებოდა უმამოდ. ოჯახის წევრების მხრიდან წლების განმავლობაში ხორციელდებოდა ფსიქოლოგიური ძალადობა. ეს გროვდებოდა და ძალიან მძიმედ იმოქმედა მის ფსიქოლოგიურ მდგომარეობაზე. ფსიქიატრიული ექსპერტიზა დაინიშნება და განისაზღვრება მისი ფსიქიკური მდგომარეობა“, - აცხადებს ადვოკატი.

თამარ გაჩეჩილაძის თქმით, მოზარდს კონფლიქტი ჰქონდა ყველასთან - საზოგადოების ნაწილთანაც.

"სკოლაშიც იყო ბულინგის შემთხვევები. ეს ბავშვი ძალადობის მსხვერპლია. კონფლიქტის მიზეზი იყო ყოველღიური კამათი ჩხუბი ოჯახთან და საზოგადოებასთან. დედა და ბებია ძალადობდა მასზე ფსიქოლოგიურად"- ათნშნავს ადვოკატი.

რაც შეეხება ბრალის დადგენილებას, უფლებადამცველის თქმით, ამასთან დაკავშირებით წინასწარ საუბარი არასწორი იქნება.

მისი თქმით, დაკავებულს ბრალი, სავარაუდოდ, ხვალ წარედგინება.

ადვოკატი ამბობს, რომ რადგან დაკავებული 18 წლისაა შესაბამისად არასრულწლოვანთა მართლმსაჯულების კოდექსის სფეროში ექცევა.