ვერძი

გამორიცხული არ არის ბედის უეცარი შემობრუნება, რომელიც თქვენგან მაქსიმალურ აქტიურობას და სწრაფ რეაქციას მოითხოვს. შეიძლება, თქვენმა გეგმამ სასურველი შედეგი ვერ მოიტანოს. ყურადღებით იყავით საპირისპირო სქესის წარმომადგენლებთან ურთიერთობის დროს, სავარაუდოდ, ყველა პრობლემა მათ უკავშირდება.

კურო

ხელსაყრელი დღეა ბიზნესმენებისა და მეწარმეებისთვის. წარმატება ხელში გაქვთ, მთავარია, შანსი არ გაუშვათ. ვარსკვლავები გაფრთხილებენ, რომ ჯანმრთელობასთან დაკავშირებით, სერიოზული პრობლემები გელით. მდგომარეობის გართულება თავიდან რომ აიცილოთ, ექიმს დროულად მიმართეთ.

ტყუპები

დღის პირველ ნახევარში მნიშვნელოვანი გადაწყვეტილების მიღება მოგიწევთ. ვარსკვლავები გირჩევენ, კარგად გაიაზროთ თქვენი მოლოდინები და პრეტენზიები პარტნიორთან, შემდეგ კი მოიფიქროთ, როგორ შეიძლება სიტუაციის გამოსწორება. პარტნიორთან ურთიერთობაში მოსალოდნელია დისჰარმონია, აგრესია და არაფრისგან პრობლემების შექმნა.

კირჩხიბი

ამ დღეს მოსალოდნელია ჯანმრთელობასთან დაკავშირებული სერიოზული პრობლემები. ავადმყოფობა თავისით არ გაგივლით, ამიტომ ექიმს დროულად უნდა მიაკითხოთ. კრიზისმა კიდეც რომ გადაიაროს, შედეგები გარკვეულ ხანს დარჩება. კარგი იქნება, თუ დღის მეორე ნახევარს ბუნებაში გაატარებთ.

ლომი

ხელსაყრელი დღეა ურთიერთობისთვის, ქორწინებისთვის და სასიყვარულო თავგადასავლებისთვის. სავარაუდოდ, ქალები ყურადღების ცენტრში მოექცევიან. მამაკაცებს ახლობელ ადამიანებთან სკანდალი ელით.

ქალწული

გამორიცხული არ არის, რომ დღის პირველ ნახევარში პირად ცხოვრებაში მნიშვნელოვანი გადაწყვეტილების მიღება მოგიხდეთ. გირჩევთ, საკუთარი შესაძლებლობები ობიექტურად შეაფასოთ და პარტნიორს გადაჭარბებული პრეტენზიები არ წამოუყენოთ. ახლობელ ადამიანთან ჰარმონიული ურთიერთობა თქვენს სულიერ მდგომარეობაზე დადებითად აისახება.

სასწორი

წინააღმდეგობრივი დღეა. დღის პირველ ნახევარში პარტნიორთან ურთიერთობებში პრობლემები გელით. მოსალოდნელია აგრესია და უსაფუძვლო ბრალდებები, თუმცა სიტუაციიდან გამოსავალს მოძებნით. თუ გონივრულად იმოქმედებთ, დღის მეორე ნახევარი გაცილებით მშვიდი იქნება. ეცადეთ, პრობლემებს იუმორით შეხედოთ.

მორიელი

ამ დღეს პროფესიულ საქმიანობაში პრობლემები გელით. შესაძლოა, თქვენი ნებისმიერი მოქმედება თქვენ წინააღმდეგ შემობრუნდეს, ამიტომ რადიკალური გადაწყვეტილებებისგან თავი შეიკავეთ. ერთდროულად მოგიწევთ ოჯახური და სამსახურებრივი პრობლემების მოგვარება. გადაღლა შეიძლება თქვენს ჯანმრთელობაზე ნეგატიურად აისახოს. თუ ამ დღეს ავად გახდით, ავადმყოფობა ხანგრძლივი იქნება.

მშვილდოსანი

წარმატებას მხოლოდ იმ შემთხვევაში მიაღწევთ, თუ საკუთარი შესაძლებლობების ობიექტურად შეფასებას და სწორი სამოქმედო გეგმის შედგენას შეძლებთ. ნუ ეცდებით აკრძალული გზით სიარულს. წარმატებას მხოლოდ კეთილსინდისიერებით და შრომისმოყვარეობით მიაღწევთ. კარგი იქნება, თუ საქმეში გართული არც ახლობელი ადამიანების შესახებ დაივიწყებთ. მათ ახლა ყველაზე მეტად თქვენი ყურადღება სჭირდებათ.

თხის რქა

შესაძლოა, დღის პირველ ნახევარში პირად ცხოვრებაში მნიშვნელოვანი ნაბიჯის გადადგმა მოგიწიოთ. სერიოზული ცვლილებები გელით - როგორც პოზიტიური, ისე ნეგატიური. გამორიცხული არ არის, რომ პარტნიორთან ურთიერთობის გაწყვეტაზე იფიქროთ.

მერწყული

იზრდება თქვენი ინტუიცია და პიროვნული მომხიბვლელობა. ძლიერდება აურა. შემოქმედებითი პოტენციალის მერწყულები ეფექტურად შეძლებენ საკუთარი შესაძლებლობების გამოვლენას და ჩანაფიქრის განხორციელებას. ვარსკვლავები გირჩევენ, რომ ამ დღეს ჩვეულზე მეტი თავშეკავება გამოიჩინოთ.

თევზები

ყველა თვალსაზრისით აქტიური დღეა. შესაძლოა, ახალი თანამდებობა შემოგთავაზონ. დაუფიქრებლად დათანხმდით, რადგან ეს თქვენს ცხოვრებას უკეთესობისკენ შეცვლის. მეტი ყურადღება გამოიჩინეთ კოლეგების მიმართ. გამორიცხული არ არის ფარული მტრების გააქტიურება.