საქართველოს თავდაცვის ყოფილი მინისტრის, ბაჩო ახალაიას ადვოკატები არ გამორიცხავენ, რომ პრეზიდენტ მიხეილ სააკაშვილს მისი შეწყალების თხოვნით მიმართონ. დღეს ამ საკითხზე შესათანხმებლად ისინი დაკავებულს შეხვდებიან.

პარალელურად დღესვე სააპელაციო სასამართლოში ბაჩო ახალაიას საქმის განხილვა იწყება. აღნიშნულ ინსტანციას საჩივრით ბრალდების მხარე მიმართავს, რომელიც თბილისის საქალაქო სასამართლოს გამამართლებელ გადაწყვეტილებას ასაჩივრებს.

„დაცვის მხარე გავესაუბრებით ახალაიას, ჩვენი აზრით პრეზიდენტს უნდა მივმართოთ შეწყალების თხოვნით, იმიტომ, რომ კანონიერმა ქურდებმა ვერ გაიმარჯვონ სახელმწიფოზე. სამი კანონიერი ქურდის ჩვენებით, ყოფილი თავდაცვის მინისტრი, ყოფილი შინაგან საქმეთა მინისტრი არ უნდა იხდიდეს სასჯელს. ეს არის ქვეყნისთვის საზიანო, აქედან გამომდინარე მნიშვნელოვანია, რომ პრეზიდენტმა აღნიშნული უსამართლობა გამოასწოროს“, - განაცხადა გიორგი ონიანმა.