1 ნოემბერს, 13.00 საათზე წინანდალში სრულიად საქართველოს კათოლიკოს-პატრიარქის, მისი უწმინდესობისა და უნეტარესობის ილია II  ლოცვა-კურთხევით საერთაშორისო ფონდი „გაამწვანე საქართველო“ პრეზენტაცია გაიმართება.

 ფონდის შექმნის ინიციატორმა და თავმჯდომარემ, ილია II ცოტა ხნის წინ, ანგარიშზე პირველი შესატანი 50 000 დოლარი შეწირა. ცერემონიალზე პატრიარქი ფონდის თავმჯდომარის მოადგილის ვინაობას დაასახელებს.

 ფონდი „გაამწვანე საქართველო“  ქვეყანაში ეკოლოგიური პრობლემების აღმოფხვრას და ტყე-

პარკების შექმნას ისახავს მიზნად. პროექტს მეთვალყურეობას ეროვნული სატყეო სააგენტო გაუწევს.

 უწმინდესის ინიციატივით, ნერგების დარგვაში მონაწილეობას მოსწავლეები მიიღებენ და ყოველ დარგულ ხეზე მათ 50 თეთრს გადაუხდიან.

 ცერემონიალის დასრულების შემდეგ, კათოლოკოს-პატრიარქის ლოცვა-კურთხევით,   „სილქროუდ ჯგუფისა“ და „წინანდლის სახლმუზეუმის“ თანადგომით,  გერმანელი პიანისტის, ალისა სარა ოტის საქველმოქმედო კონცერტი გაიმართება. კონცერტზე მოცარტის, ბრამსის და მუსორგსკის ნაწარმოებები შესრულდება.