შვიდწლიანი პაუზის შემდეგ რუსულ ბაზარზე, ვაშლის პირველი ორი პარტია შეიტანეს. რუსული საინფორმაციო სააგენტოების მიერ გავრცელებული ინფორმაციის თანახმად, საექსპორტო ხილი უკვე რუსეთის ტერიტორიაზეა და პირველ ეტაპზე ისინი მოსკოვისა და ციმბირის მიმართულებით გადანაწილდება.

ამის შემდეგ კი რუსეთის ბაზარზე ქართული მსხლის, კომშისა და თხილის შეტანა მოხდება. ნებართვა საქართველოდან თხილის ექსპორტის განახლებისთვის თვის დასაწყისში, რუსეთის ვეტერინარული და ფიტოსანიტარული კონტროლის სამსახურმა გასცა.