თურქული მედია "ანადოლის" ინფორმაციით, თურქეთში დააკავეს ტრაილერი, რომელიც საქართველოს მიმართულებით მოდიოდა. უცხონომრიანი სატვირთო მანქანა, კაფიკულეს საბაჟო პუნქტზე სარისკოდ იქნა მიჩნეული და იგი რენტგენული სკანირებაზე გადააგზავნეს.

დეკლარაციის მიხედვით, მანქანას სასუქის გადაჰქონდა, თუმცა სკანირების შედეგად, საეჭვო სიმკვრივის დადგენისთანავე, მანქანა გადაყვანილი იქნა გასაჩხრეკად.

ნარკოტიკული დეტექტორი ძაღლები მანქანაში არსებულ ზოგიერთ ტომარაზე რეაგირებდნენ, რომელიც ჩამოიღეს და მასში 2 ტონა 70 კილოგრამი კანაფი აღმოჩნდა. სულ 213 ტომარა.

ნარკოტიკული ნივთიერების სავარაუდო საბაზრო ღირებულება 124 მილიონ 220 ათას ლირას შეადგენს. სატვირთო ა/მანქანის უცხოელი მძღოლი დააკავეს. "ეს იყო ყველაზე დიდი რაოდენობის ნარკოტიკული საშუალება, რომელიც თურქეთის ტერიტორიაზე აღმოვაჩინეთ" - განუცხადა თურქულ მედიას თურქეთის შინაგან საქმეთა მინისტრმა.

შენიშვნა: ფოტო - აჭარის მაუწყებელი