"მან ჩემი სიძე ჩაცხრილა, სამი ტყვი აქვს მოხვედრილი"- ახალი დეტალები ინდოეთის მოქალაქის მკვლელობის ირგვლივ

სამართალი - 17:41, 06 Feb, 2020

3113

ისანში მოკლული ინდოეთის მოქალაქის ოჯახის წევრი მომხდარის შესახებ მედიასთან პირველ კომენტარს აკეთებს.

გარდაცვლილის სიმამრის განცხადებით, ბრალდებულმა ახალგაზრდას სამჯერ ესროლა.

მოქალაქე ამბობს, რომ მეზობლებს შორის არსებული დავის შესახებ მერიამ და პოლიციამ იცოდა, თუმცა რეაგირება არ მოუხდენია.

"10-ჯერ მაინც დავურეკეთ პოლიციას და ვთხოვეთ მოეგვარებინათ ეს პრობლემა. მან ერთხელ ჩემი სიძე დაჭრა, თუმცა ეს კონფლიქტი არავის გამოუძიებია. ჩემი ქალიშვილი შოკშია, ორი შვილი დარჩათ.

კონფლიქტის მიზეზი დაურეგისტრირებელი ტერიტორიაა. იუსტიციისა და მერიის სამსახურები საქმის კურსში იყვნენ. თუმცა მათ ამ პრობლემის მოგვარება არ ისურვეს. ალბათ 20-ჯერ ან 25-ჯერ გვაქვს დარეკილი პოლიციელებთან, მაგრამ რეაგირება არავის მოუხდენია.

დღეს კი იარაღი მოიტანა მის მოსაკლავად. დღეს დილით, როდესაც მოვედით სახლში შემოსვლას ცდილობდა, მაგრამ ჩემმა სიძემ ამის უფლება არ მისცა, რის შემდეგაც ჯერ ჰაერში გაისროლა, შემდეგ 3-ჯერ მას ესროლა. პაკისტანიდან ვართ, მაგრამ საუდის არაბეთიდან ინვესიტიციის განსახორციელებლად ჩამოვედით. დაახლოებით ერი წელია, რაც ეს მიწა ვიყიდეთ და სახლში დაახლოებით 300 000 დოლარი დავხარჯეთ”, - განაცხადა გარდაცვლის სიმამრმა.