ბრიტანელი მსახიობის, რობერტ პატინსონის გარეგნობა იდეალურად აღიარეს. ამის შესახებ ინფორმაციას ავრცელებს CNN-ი.

გამოცემაზე დაყრდნობით ირკვევა, რომ აღნიშნული საკითხი ლონდონის კოსმეტიკური და პლასტიკური ქირურგიის ხელმძღვანელმა, ჟულიან დე სილვამ დაადგინა, რომელმაც პატინსონი და სხვა ცნობილი მსახიობების სახეები „ოქროს კვეთის“ პროპორციებს შეადარა.

გავრცელებული ინფორმაციით აღმოჩნდა, რომ ჰოლივუდელი მსახიობის სახის ნაკვთები და გარეგნობა აკმაყოფილებს აღნიშნულ პროპორციებს 92.15 %-ით. მეორე ადგილზეა ჰენრი კავილი, მესამეზე ბრედლი კუპერი, მეოთხე და მეხუთე პოზიციებს კი ბრედ პიტი ( 90.51 % ) და ჯორჯ კლუნი ( 89.91 %) იკავებენ.

ქალებიდან მსგავს კვლევაში 2019 წელს ბელა ჰადიდიმ გაიმარჯვა და მას დაუდგინდა სახის ნაკვთების ყველაზე სრულყოფილი ფორმა.