ბრიტანეთში 20 წლის მედდამ აღიარა ბიოლოგიური მამის, კოლინ ბრედის მკვლელობა. ჯესიკა ბრიზმა 49 წლის მამაკაცი სამზარეულოს დანით გასულ წელს მოკლა. დანამ 18 სანტიმეტრით გახვრიტა მამაკაცის მარცხენა ფილტვი, რის შემდეგაც იგი მალევე გარდაიცვალა. ამის შესახებ წერს SKYNEWS-ი

ბრიზი სასამართლოში აქვითინდა მას შემდეგ, რაც იგი თისაიდ-ის სისხლის სამართლის სასამართლომ მამის მკვლელობის ფაქტზე უდანაშაულოდ სცნო.

გაცხადებული ინფორმაციით, მედდა და დედამისი, კელი სახლში იმყოფებოდნენ მიდლსბროში, როდესაც მათთან ბრედი მოვიდა და თავს დაესხა ქალებს-იგი ურტყამდა და სიტყვიერ შეურაცხყოფებს აყენებდა ყოფილ ცოლსა და ქალიშვილს, რა დროსაც თინეიჯერმა გოგონამ თავის დაცვა დანის გამოყენებით შეძლო.

სასამართლო პროცესიის დროს ჯესიკამ მოსამართლეს განუცხადა : „ მე არ მინდოდა მისი მოკვლა, უბრალოდ მის შეჩერებას ვცდილობდი“. მისი თქმით, წინა შემთხვევის დროს, იგი ცდილობდა ჩაკეტილი სახლიდან გაქცევას მაღალი სართულიდან გადახტომით, რა დროსაც მამამისი თავს დაესხა და საწოლში ცდილობდა მის გაგუდვას.